MUKÉTÍMÙ 1:4-51

⁴Bɑ́ kùù nɑɑ̀mùnkù bɛ cɛ̃́ĩ miɛkɛ dí dɛitɛ okótì òmɑ́ɑ̀ òmɑ́ɑ̀ kɛ̀ bɛ̀ ndi nɛínɛ̀.

⁵Ntɛ bɛ̀ɛ̀ yóó di nɛinɛ̀ bɛ yètɛ̀: Dubɛnni kó kunɑɑ̀mùnkù miɛkɛ, Sedeuu birɛ Edisuu.

⁶Simmɛɔ̃ɔ̃ kɔku miɛkɛ, Sudisɑdɑii birɛ Sedumiɛri.

⁷Sudɑɑ kɔku, Amminɑdɑbu birɛ Nɑsɔ̃ɔ̃.

⁸Isɑkɑɑ kɔku, Suɑɑ birɛ Nɛtɑnnɛyɛɛdi.

⁹Sɑbunɔɔ kɔku, Edonni birɛ Ediɑbu.

¹⁰Sosɛfu kó ibí Efɑdɑimmu nɛ̀ Mɑnɑnsee bɛ kó tinɑɑ̀mùntì kɔbɛ: Efɑdɑimmu kɔku, Ammiudi birɛ Edisɑmɑ. Mɑnɑnsee kɔku, Pedɑsuu birɛ Kɑmmidiyɛɛdi.

¹¹Bɛnsɑmɛɛ kɔku, Kideonii birɛ Abidɑnni.

¹²Dɑnni kɔku, Amisɑdɑii birɛ Ayiesɛɛ.

¹³Asɛɛ kɔku, Okɑdɑnni birɛ Pɑkiyɛɛdi.

¹⁴Kɑdi kɔku, Deuyɛɛdi birɛ Ediɑsɑfu.

¹⁵Nɛfutɑdii kɔku, Enɑnni birɛ Aidɑ.

¹⁶Dɛ kó bɛnìtìbɛ̀ do tú bɛ̀ tɑ̃ɑ̃tɛ́ bɛ̀mbɛ. Bɛ̀ do tú bɛ̀ɛ̀ kòtí bɛ̀mbɛ bɛ botí miɛkɛ kɛ ni bɛnìtìbɛ̀ sikɔupí.

¹⁷Mɛm̀mɛ Mɔyiisi nɛ̀ Anɔɔ kɛ̀ bɛ̀ɛ túótɛ́ dɛ kó bɛnìtìbɛ̀ bɛ̀ tɑ̃ɑ̃tɛ́ bɛ̀,

¹⁸kɛ́tíí nyIsidɑyɛɛribɛ bɛmɔu otɑ̃̀nkù dɛ́rì kó diyiè ketirì, kɛ̀ Isidɑyɛɛribɛɛ bɑtɛ bɛ nɑɑ̀mùntì nɛ̀ bɛ cɛ̃́ĩ, kɛ̀ bɛ̀ɛ dɛi bɛ̀ɛ̀ mɔ̀kɛ yɛbie nsipísìdɛ́ sìdɛ́ kɛ́ndeètìnko.

¹⁹Mɛm̀mɛ Mɔyiisi bɛ̀ kɑ̀ɑmmɛ̀ Sinɑii kó dikpɑ́ɑ̀ miɛkɛ ti Yiɛ̀ nKuyie ndo tì nhò nɑ̀kɛ́ kɛ yɛ̃ ndɛ̀ ndòmmɛ̀.

²⁰Bɛ̀ bɑ̀tɛ dìì mɔ̀nnì Dubɛnni wèè tu Isidɑyɛɛribɛ kóo po kó kunɑɑ̀mùnkù kɛ́deè kɛ̀ bɛ̀ɛ kɑɑ mbɛ̀ɛ̀ kó dimɑ̀ɑ̀ tùɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò mbɛ̀ bo nɑ kɛ́kɔtɛ mudoò.

²¹Bɛ̀ do kɑ̀ɑ mbɛ̀ Dubɛnni kó kunɑɑ̀mùnkù bɛ̀ do bo sikɔupípísìnɑ̀ɑ̀ nɛ̀ sikɔupísìkuɔ̀ nɛ̀ sikɔusìnùmmù ndi (46500).

²²Kɛ̀ bɛ̀ɛ bɑtɛ Simmɛɔ̃ɔ̃ kó kunɑɑ̀mùnkù kɛ́kɑɑ mbɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko bɛnitidɑɑbɛ̀ mɑ́ɑ̀ kɛ́wɑ̃ri bɛ yètɛ̀.

²³Kɛ̀ bɛ̀ ḿbo sikɔupípísìnùmmù nɛ̀ sikɔupísìwɛi nɛ̀ sikɔusìtɑ̃ɑ̃ti (59300).

²⁴Kɛ̀ bɛ̀ɛ bɑtɛ Kɑdi nɑɑ̀mùnkù kɔbɛ bɛ cɛ̃́ĩ dò ndòmmɛ̀ bɛnitidɑɑbɛ̀, bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko bɛ̀ɛ̀ dò nkɛ́nɑ kɛ́kɔtɛ mudoò.

²⁵Kɛ̀ bɛ̀ ḿbo sikɔupípísìnɑ̀ɑ̀ nɛ̀ sikɔupísìnùmmù nɛ̀ sikɔusìkuɔ̀ nɛ̀ sipísìnùmmù (45650).

²⁶Kɛ̀ bɛ̀ɛ bɑtɛ Sudɑɑ nɑɑ̀mùnkù kɔbɛ bɛ cɛ̃́ĩ dò ndòmmɛ̀ bɛnitidɑɑbɛ̀, bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko bɛ̀ɛ̀ dò nkɛ́nɑ kɛ́kɔtɛ mudoò.

²⁷Kɛ̀ bɛ̀ ḿbo sikɔupípísìyiekɛ̀ nɛ̀ sikɔupísìnɑ̀ɑ̀ nɛ̀ sikɔusìkuɔ̀ (74600).

²⁸Kɛ̀ bɛ̀ɛ bɑtɛ Isɑkɑɑ nɑɑ̀mùnkù kɔbɛ bɛ cɛ̃́ĩ dò ndòmmɛ̀ bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò nkɛ́nɑ kɛ́kɔtɛ mudoò,

²⁹kɛ̀ bɛ̀ ḿbo sikɔupípísìnùmmù nɛ̀ sikɔupísìnɑ̀ɑ̀ nɛ̀ sikɔusìnɑ̀ɑ̀ (54400).

³⁰Kɛ̀ bɛ̀ɛ bɑtɛ Sɑbunɔɔ nɑɑ̀mùnkù kɔbɛ bɛ cɛ̃́ĩ dò ndòmmɛ̀ bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko bɛ̀ɛ̀ dò nkɛ́nɑ kɛ́kɔtɛ mudoò,

³¹kɛ̀ bɛ̀ ḿbo sikɔupípísìnùmmù nɛ̀ sikɔupísìyiekɛ̀ nɛ̀ sikɔusìnɑ̀ɑ̀ (57400).

³²Kɛ̀ bɛ̀ɛ bɑtɛ Sosɛfu birɛ Efɑdɑimmu kó kunɑɑ̀mùnkù kɔbɛ bɛ cɛ̃́ĩ dò ndòmmɛ̀ bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò nkɛ́nɑ kɛ́kɔtɛ mudoò,

³³kɛ̀ bɛ̀ ḿbo sikɔupípísìnɑ̀ɑ̀ nɛ̀ sikɔusìnùmmù (40500).

³⁴Kɛ̀ bɛ̀ɛ bɑtɛ Mɑnɑnsee, Sosɛfu birɛ tɛrɛ̀ kó kunɑɑ̀mùnkù kɔbɛ, bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò nkɛ́nɑ kɛ́kɔtɛ mudoò,

³⁵kɛ̀ bɛ̀ ḿbo sikɔupípísìtɑ̃ɑ̃ti nɛ̀ sikɔupísìdɛ́ nɛ̀ sikɔusìdɛ́ (32200).

³⁶Kɛ̀ bɛ̀ɛ bɑtɛ Bɛnsɑmɛɛ kó kunɑɑ̀mùnkù kɔbɛ bɛ cɛ̃́ĩ dò ndòmmɛ̀ bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò nkɛ́nɑ kɛ́kɔtɛ mudoò,

³⁷kɛ̀ bɛ̀ ḿbo sikɔupípísìtɑ̃ɑ̃ti nɛ̀ sikɔupísìnùmmù nɛ̀ sikɔusìnɑ̀ɑ̀ (35400).

³⁸Kɛ̀ bɛ̀ɛ bɑtɛ Dɑnni kó kunɑɑ̀mùnkù kɔbɛ bɛ cɛ̃́ĩ dò ndòmmɛ̀, bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò nkɛ́nɑ kɛ́kɔtɛ mudoò,

³⁹kɛ̀ bɛ̀ ḿbo sikɔupípísìkuɔ̀ nɛ̀ sikɔupísìdɛ́ nɛ̀ sikɔusìyiekɛ̀ (62700).

⁴⁰Kɛ̀ bɛ̀ɛ bɑtɛ Asɛɛ kó kunɑɑ̀mùnkù kɔbɛ bɛ cɛ̃́ĩ dò ndòmmɛ̀, bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò nkɛ́nɑ kɛ́kɔtɛ mudoò,

⁴¹kɛ̀ bɛ̀ ḿbo sikɔupípísìnɑ̀ɑ̀ nɛ̀ tɛkɔupíítɛ̀ nɛ̀ sikɔusìnùmmù (41500).

⁴²Kɛ̀ bɛ̀ɛ bɑtɛ Nɛfutɑdii kó kunɑɑ̀mùnkù kɔbɛ bɛ cɛ̃́ĩ dò ndòmmɛ̀, bɛnitidɑɑbɛ̀ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko, bɛ̀ɛ̀ dò nkɛ́nɑ kɛ́kɔtɛ mudoò.

⁴³Kɛ̀ bɛ̀ ḿbo sikɔupípísìnùmmù nɛ̀ sikɔupísìtɑ̃ɑ̃ti nɛ̀ sikɔusìnɑ̀ɑ̀ (53400).

⁴⁴Mɛm̀mɛ Mɔyiisi nɛ̀ Anɔɔ nɛ̀ Isidɑyɛɛribɛ kó tinɑɑ̀mùntì tɛpíítɛ̀ nɛ̀ tìdɛ́tì kó bɛkótíbɛ̀ kɑ̀ɑmmɛ̀ Isidɑyɛɛribɛ bɛ cɛ̃́ĩ dò ndòmmɛ̀.

⁴⁵Kɛ̀ bɛ̀ɛ bɑtɛ bɛ̀ɛ̀ mɔ̀kɛ yɛbie nsipísìdɛ́ kɛ́ndeètìnko bɛ̀ɛ̀ dò nkɛ́nɑ kɛ́kɔtɛ mudoò,

⁴⁶kɛ̀ bɛ̀ɛ wɛ̃nnɛ́ bɛmɔu kɛ́mbo sikɔupíkɔùsìkuɔ̀ nɛ̀ sikɔupísìtɑ̃ɑ̃ti nɛ̀ sikɔusìnùmmù nɛ̀ sipísìnùmmù (603550).

⁴⁷Bɛ̀ nɛ́ í nwɛ̃nnɛ́nɛ̀ Defii kó kuwuɔ nkɛ kɑ̀ɑ.

⁴⁸Kɛ̀ ti Yiɛ̀ nKuyie nnɑ́kɛ́ Mɔyiisi kɛ dɔ̀:

⁴⁹A bɑ́ɑ́ kɑɑ nDefii kó kuwuɔ, ɑ bɑ́ɑ́ bɛ̀ kɑ̀ɑnnɛ̀ Isidɑyɛɛribɛ.

⁵⁰Á bɛ̀ duɔ́ mmɛtɑummɛ̀ tou kó mutɔ̃mmú, kɛ̀ bɛ̀ ndɑkɛ n nɛntì kpɛ́í nnɛ̀ dɛ̀ɛ̀ kó dimɑ̀ɑ̀ cɛ̃́nkɛ tú mɛtɑummɛ̀ tou kpɛrɛ. Bɛɛ̀ yó ntɔu n tɑummɛ̀ tou nɛ̀ di nɛntì, bɛɛ̀ yó nte dɛ kó mutɔ̃mmú, kɛ̀ di bɑ̀tɛ́ dɛ̀ bɛɛ̀ yóó fitɛ́ mɛtɑummɛ̀ tou.

⁵¹Kɛ̀ mɛtɑummɛ̀ tou do nkɛ́sɔɔ́ ndikɑrì bɛɛ̀ yóó dì kpèétɛ́, kɛ̀ dì tùɔ̀kɛ dì bo cómmú dɛ̀, bɛ̀ɛ dì còńnɛ́. Wèè í tú Defii botí kou kòò dì tɔ̀ɔ́nnɛ̀ bɛ̀ɛ ò kùɔ.