Saylar 1:4-51

⁴Sizinlə bərabər hər qəbilədən bir kişi olsun; bu adamlar ailə başçısı olmalıdır.

⁵Sizə kömək edəcək adamlar bunlardır: Ruven qəbiləsindən: Şedeur oğlu Elisur;

⁶Şimeondan: Surişadday oğlu Şelumiel;

⁷Yəhudadan: Amminadav oğlu Naxşon;

⁸İssakardan: Suar oğlu Netanel;

⁹Zevulundan: Xelon oğlu Eliav;

¹⁰Yusif övladlarından: Efrayimdən: Ammihud oğlu Elişama; Menaşşedən: Pedahsur oğlu Qamliel;

¹¹Binyamindən: Gidoni oğlu Avidan;

¹²Dandan: Ammişadday oğlu Axiezer;

¹³Aşerdən: Okran oğlu Pagiel;

¹⁴Qaddan: Deuel oğlu Elyasaf;

¹⁵Naftalidən: Enan oğlu Axira».

¹⁶Bunlar icmadan təyin edilmiş adamlar, öz ata-babalarının qəbilə rəhbərləri və İsrailin tayfa başçıları idilər.

¹⁷Musa ilə Harun adları göstərilən bu adamları apardılar.

¹⁸İkinci ayın birinci günündə bütün icmanı topladılar; nəsillərinə və ailələrinə görə adlarının siyahısı ilə iyirmi və ondan yuxarı yaşda olanlar ayrı-ayrı yazıldılar.

¹⁹Rəbbin Musaya əmr etdiyi kimi onlar Sina səhrasında xalqı elə də siyahıya aldılar.

²⁰İsrailin ilk oğlu Ruvenin övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına ayrı-ayrı qeyd edildi.

²¹Ruven qəbiləsindən 46 500 nəfər siyahıya alındı.

²²Şimeon övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına ayrı-ayrı qeyd edildi.

²³Şimeon qəbiləsindən 59 300 nəfər siyahıya alındı.

²⁴Qad övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

²⁵Qad qəbiləsindən 45 650 nəfər siyahıya alındı.

²⁶Yəhuda övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

²⁷Yəhuda qəbiləsindən 74 600 nəfər siyahıya alındı.

²⁸İssakar övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

²⁹İssakar qəbiləsindən 54 400 nəfər siyahıya alındı.

³⁰Zevulun övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

³¹Zevulun qəbiləsindən 57 400 nəfər siyahıya alındı.

³²Yusif nəslindən – Efrayim övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

³³Efrayim qəbiləsindən 40 500 nəfər siyahıya alındı.

³⁴Menaşşe övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

³⁵Menaşşe qəbiləsindən 32 200 nəfər siyahıya alındı.

³⁶Binyamin övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

³⁷Binyamin qəbiləsindən 35 400 nəfər siyahıya alındı.

³⁸Dan övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

³⁹Dan qəbiləsindən 62 700 nəfər siyahıya alındı.

⁴⁰Aşer övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

⁴¹Aşer qəbiləsindən 41 500 nəfər siyahıya alındı.

⁴²Naftali övladlarından iyirmi və ondan yuxarı yaşda döyüşə qabil olan hər kişi mənsub olduğu nəsil və ailəyə görə adlar siyahısına qeyd edildi.

⁴³Naftali qəbiləsindən 53 400 nəfər siyahıya alındı.

⁴⁴Musa, Harun və İsrailin on iki rəhbəri tərəfindən bunlar siyahıya alındı; hər biri mənsub olduqları ailəni təmsil edirdi.

⁴⁵İsraildə iyirmi və ondan yuxarı yaşda döyüşə qabil olan kişilərin hamısı mənsub olduqları ailəyə görə siyahıya alındı.

⁴⁶Siyahıya alınanlar cəmi 603 550 nəfər idi.

⁴⁷Lakin onların arasında Levililər ailələrinə görə siyahıya alınmadı.

⁴⁸Çünki Rəbb Musaya demişdi:

⁴⁹«Ancaq Levi qəbiləsini siyahıya alma və digər İsrail övladlarını aldığın siyahıya daxil etmə.

⁵⁰Şəhadət məskəni ilə onun bütün avadanlığı və məskənə aid olan hər şey üçün məsuliyyəti Levililərin üzərinə qoy. Məskəni və onun bütün avadanlığını onlar daşısınlar, məskənə baxsınlar və onun ətrafında düşərgə salsınlar.

⁵¹Məskən daşınacağı zaman Levililər onu toplasınlar. Məskən bir yerə qoyulacağı zaman yenə Levililər onu qursunlar. Onlardan savayı məskənə yaxınlaşan öldürülsün.