Numperis 17:3-9

³Nge kopwe ruputi iten Aaron won wokun Lefi we. Epwe wor efoch wok fän iten eman me eman souemwenin eu me eu ainang.

⁴Mürin, kopwe isenirelong lon ewe imw mangaku ia aramas ra churiei ie mwen ewe pworofel, ewe ia üa churuk ie.

⁵Iwe, wokun ätewe üa filätä epwe fasar. Iei usun üpwe aükätiu än ekewe aramas lal ngonuk.”

⁶Iwe, Moses a apworausa ngeni ekewe aramasen Israel ekei kapas. Iwe, nöür kewe souemwen ra ngeni Moses engol me ruofoch wok, efoch wok nge eman souemwenin ar kewe ainang. Nge wokun Aaron we a pwal nom leir.

⁷Iwe, Moses a isenalong ekewe wok lon ewe imwenfel seni mangaku mwen än ewe Samol mi Lapalap we pworofel.

⁸Iwe, sorotän ewe rän Moses a tolong lon ewe imwenfel seni mangaku. A küna wokun Aaron we fän iten ewe ainangen Lefi pwe a fasar, a et, a pwal wor pöön irä won o uani föün almont mi maaw.

⁹Mürin, Moses a uwawu ekewe wok seni mwen än ewe Samol mi Lapalap we pworofel o appii ngeni ekewe aramasen Israel meinisin. Iwe, ra küna mine a fis, nge eman me eman souemwen a angei wokun.