MUKÉTÍMÙ 17:3-9

³Bɛ̀ɛ̀ sì tɔní kɛ̀ bɛ̀ ku kɛ yietí bɛ yɛi. Dí sì mɑ timɑ́tipenti kɛ́dɑri n wũɔ̃tɔ̀nnì kɛ̀ dɛ̀ ndò mmɛbɛnkùmɛ̀ Isidɑyɛɛribɛ bɛmɔu kpɛ́í.

⁴Kɛ̀ ikuɔ́ nìùtì Edeɑsɑɑ túótɛ́ disɔɔwũɔ̃̀ kó sisɔɔsékɛ́búkúsí dɛ kó bɛnìtìbɛ̀ do tɔní sì kɛ̀ muhɑ̃ɑ̃́ nsì cɔ̀útɛ́, kɛ̀ bɛ̀ɛ sì mɑ timɑ́tipenti kɛ́dɑri diwũɔ̃tɔ̀nnì.

⁵Bɛ̀ do mɑ tìì mɑ́tìpenti kɛ́dɑri diwũɔ̃tɔ̀nnì tiì do denniní Isidɑyɛɛribɛ òmɔù í dòmmɛ̀ kɛ́ntuɔ̀ ntihúúntì ti Yiɛ̀ nKuyie nyììkɛ̀ kɛ̀ dɛ̀ í tú Anɔɔ nɛ̀ o yɑɑ̀bí, kɛ̀ wèè mɛ̀ dɔ̀ɔ̀ tìì tùɔ̀kɛní Kodee nɛ̀ o kɔbɛ tiì yóó ò tùɔ̀kɛní ti Yiɛ̀ nKuyie ndo mɛ ntì nɑ̀kɛ́ Mɔyiisi kòò tì mbɛ̀ nɑ̀kɛ́.

⁶Kɛ̀ dɛ̀ɛ̀ wentɛ́ kɛ̀ Isidɑyɛɛribɛɛ ítɛ́ bɛ botí kumɔu kɛ́nkpɑnnɛ̀ Mɔyiisi nɛ̀ Anɔɔ kɛ tú: Díì kùɔ ti Yiɛ̀ nKuyie nkɔbɛ.

⁷Bɛ̀ cɛ̃̀ɛ̃̀tɛ dìì mɔ̀nnì Mɔyiisi nɛ̀ Anɔɔ kɛ́wɛ̃ɛ̃tɛ mɛtɑummɛ̀ tou bíɛ́kɛ̀ kɛ́nsɔ̃́ diwɛtirì dɑ̀tínnɛ́ mɛtɑummɛ̀ tou, kɛ̀ bɛ̀ɛ yɑ̀ ti Yiɛ̀ nKuyie nkó tikpetì.

⁸Mɔyiisi nɛ̀ Anɔɔ kɛ̀ bɛ̀ɛ kɔtɛ mɛtɑummɛ̀ tou ììkɛ̀

⁹kɛ̀ ti Yiɛ̀ nKuyie mbɛ́innɛ̀ Mɔyiisi kɛ dɔ̀: