Numperis 13:26-30

²⁶Iwe, ra feito ren Moses me Aaron me ekewe aramasen Israel meinisin mi nom lon Kates lon ewe fanüapön Paran. Iwe, ra apworausa ngeniir pworauser, ra pwal apii ngeniir uän irän ewe fanü.

²⁷Iwe, ra üreni Moses, “Äm aia tori ewe fanü ia ka tinikeemila ie. Ewe fanü eu fanü mi pwülüöch o fanüeräs, nge iei uan.

²⁸Nge ekewe aramas mi nonom lon ewe fanü ra pöchökül, pwal ekewe telinimw ra watte o pöchökül tittir. Iwe, ikenan aia pwal mwo nge küna ekewe mwirimwirin Anak mi mwänemong.

²⁹Ekewe chon Amalek ra nonom lon ewe fanü Nekep. Iwe, ekewe chon Hit, chon Jepus me chon Amor ra nonom lon ewe fanü mi chukuchukutä, nge ekewe chon Kanaan ra nonom aroset me aropen ewe chanpupu Jortan.”

³⁰Iwe, Kalep a amosonosona ekewe aramas mi mwichefengen ren Moses o üreniir, “Ousipwe feitä iei chök o liapeni ewe fanü, pun sia fokun tongeni.”