Namba 13:26-30

²⁶Êsêac sêsêlêŋ e sêô lasê dêdêŋ Mose agêc Aron ma lau Israel nêŋ gôlôac samob aŋga Kades, taŋ gêc gamêŋ sawa Taran naŋ. Êsêac sêjac miŋ nêŋ biŋ gêdêŋ êsêac to gôlôac samob ma têtôc gamêŋ tau ŋakaŋanô gêdêŋ êsêac.

²⁷Ma êsêac sêjac miŋ gêdêŋ Mose ma sêsôm gebe “Aêac jaaô lasê gamêŋ tau kêtôm aôm kôsakiŋ aêac. Gamêŋ tau gamêŋ, taŋ su to lêp keseleŋ naŋ. Ma gamêŋ tau ŋakaŋanô tonec.

²⁸Mago lau, taŋ sêŋgôŋ gamêŋ tau naŋ, lau ŋajaŋa ma tuŋbôm kêgi nêŋ malac kapôêŋ auc. Ma teŋ, aêac alic Anaknê wakuc.

²⁹Lau Amalek sêŋgôŋ gamêŋ Negeb, lau Het to Jebus ma Amor sêŋgôŋ lôc ma lau Kanaan sêŋgôŋ gwêclêndaŋ to bu Jordan ŋatali.”

³⁰Mago Kaleb gêjam malô launêŋ ŋalêlôm kêkô Mose laŋônêmŋa ma kêsôm gebe “Aêac tapi gamêŋ tau sebeŋ tana ma tajaŋgo gamêŋ su, gebe aêac tatôm gebe taku gamêŋ tau tulu.”