Numero 26:8-63

⁸Is anak ni Palu iyan si Eliab,

⁹ne is menge anak ni Eliab iyan ensi Nemuel, Datan, wey si Abiram. Heini si Datan wey si Abiram iyan menge pengulu te menge etew he nekidsevaha ki Kora te kebpekidsukulà te Nengazen pinaaǥi te kegkuntedaha zan ki Moises wey ki Aaron.

¹⁰Piru mid-eveleng sikandan te tanà duma ki Kora, ne sikan 250 he sumusunud kandan nemematey pinaaǥi te hapuy. Heini he hitavù nehimu he petizaan diyà te menge Israilihanen.

¹¹Piru is menge anak ni Kora, wazà mulà mebpatey zutun he hitavù.

¹²Is menge kevuwazan ni Simeon iyan is menge pemilya eni, Nemuel, Jamin, Jakin,

¹³Zera, wey Shaul.

¹⁴Iyan sikandan menge pemilya he ebpuun diyà te ki Simeon; 22,200 sikandan is langun.

¹⁵Is menge kevuwazan ni Gad iyan is menge pemilya eni Zefon, Hagi, Shuni,

¹⁶Ozni, Eri,

¹⁷Arod, wey Areli.

¹⁸Iyan sikandan menge pemilya he ebpuun diyà te ki Gad; 40,500 sikandan is langun.

¹⁹Si Juda zuen din dezuwa he anak he maama he iyan si Er wey si Onan, he minatey ziyà te tanà he Canaan. Piru zuen gihapun menge kevuwazan ni Juda he iyan is menge pemilya eni Shela, Perez, wey Zera.

²¹Is menge kevuwazan ni Perez iyan is menge pemilya eni Hezron wey Hamul.

²²Iyan sikandan menge pemilya he ebpuun diyà te ki Juda; 76,500 sikandan is langun.

²³Is menge kevuwazan ni Isacar iyan is menge pemilya eni Tola, Pua,

²⁴Jashub, wey Shimron.

²⁵Iyan sikandan menge pemilya he ebpuun diyà te ki Isacar; 64,300 sikandan is langun.

²⁶Is menge kevuwazan ni Zebulun iyan is menge pemilya eni Sered, Elon, wey Jaleel.

²⁷Iyan sikandan menge pemilya he ebpuun diyà te ki Zebulun; 60,500 sikandan is langun.

²⁸Is menge kevuwazan ni Jose ebpuun diyà te zezuwa he anak din he si Manase wey si Efraim.

²⁹Is menge kevuwazan ni Manase iyan is menge pemilya ni Makir wey ziyà te anak din he si Gilead.

³⁰Is menge kevuwazan ni Gilead iyan is menge pemilya eni Iezer, Helek,

³¹Asriel, Shekem,

³²Shemida, wey Hefer.

³³Is anak ni Hefer he si Zelofehad, wazè din anak he maama. Piru zuen din menge anak he vahi he is menge ngazan dan iyan ensi Mala, Noa, Hogla, Milca, wey Tirza.

³⁴Iyan sikandan menge pemilya he ebpuun diyà te ki Manase; 52,700 sikandan is langun.

³⁵Is menge kevuwazan daan ni Efraim iyan is menge pemilya eni Shutela, Beker, Tahan,

³⁶wey ziyà te anak ni Shutela he si Eran.

³⁷Iyan heini sikandan menge pemilya he ebpuun diyà te ki Efraim; 32,500 sikandan is langun. Heini he menge pemilya is ebpuun diyà te ki Manase wey ki Efraim iyan menge kevuwazan ni Jose.

³⁸Is menge kevuwazan ni Benjamin iyan is menge pemilya eni Bela, Ashbel, Ahiram,

³⁹Shufam, wey Hufam.

⁴⁰Is menge kevuwazan ni Bela, iyan is menge pemilya ni Ard wey ni Naaman.

⁴¹Iyan sikandan menge pemilya he ebpuun diyà te ki Benjamin; 45,600 sikandan is langun.

⁴²Is menge kevuwazan ni Dan iyan is pemilya ni Shuham.

⁴³Is langun he menge kevuwazan ni Dan he menge Shuhamnon; 64,400 sikandan is langun.

⁴⁴Is menge kevuwazan ni Asher iyan is menge pemilya eni Imnah, Ishvi, wey Beria.

⁴⁵Is menge kevuwazan ni Beria iyan is menge pemilya ni Heber wey ki Malkiel.

⁴⁶(Duen anak he vahi ni Asher he si Sera.)

⁴⁷Iyan sikandan menge pemilya he ebpuun diyà te ki Asher; 53,400 sikandan is langun.

⁴⁸Is menge kevuwazan ni Naftali iyan is menge pemilya eni Jazeel, Guni,

⁴⁹Jezer, wey Shilem.

⁵⁰Iyan heini sikandan menge pemilya he ebpuun diyà te ki Naftali; 45,400 sikandan is langun.

⁵¹Umbe, is kahabet te langun he maama he menge Israilihanen he nesinsus 601,730.

⁵²Ne migkaǥi is Nengazen diyà te ki Moises te,

⁵³“Behina nu is tanà he egkepengevilin dan sumalà te kahabet te kada tribu.

⁵⁴Is tribu he mezakel, behini nu te zekelà, is tribu he deisey zà behini nu te zeisey.

⁵⁵Kinahanglan he pinaaǥi te ripa is kebehina zuen te tanà diyà te zekelà wey zeisey he tribu he egketuenan pinaaǥi zuen te sinsus.”

⁵⁷Is menge kevuwazan ni Levi iyan is menge pemilya eni Gershon, Kohat, wey Merari.

⁵⁸Ne ziyà te kandan ebpuun is menge pemilya eni Libni, Hebron, Mali, Mushi, wey Kora. Si Kohat iyan kepuun ni Amram,

⁵⁹ne iyan esawa ni Amram si Jokebed he kevuwazan daan ni Levi. Diyà ianak si Jokebed te Ehipto. Si Amram wey si Jokebed iyan ginikanan eni Aaron, Moises, wey Miriam.

⁶⁰Ne si Aaron iyan amey eni Nadab, Abihu, Eleazar, wey Itamar.

⁶¹Piru minatey si Nadab wey si Abihu hein nemuhat sikandan he migamit dan te hapuy he kenè diyè ebpuun te hapuy he egemiten para te kebpemuhata te Nengazen.

⁶²Is kahabet te maama he menge kevuwazan ni Levi he senge vulan pehendiyà te metikang is keǥurang dan ne 23,000. Wazà sikandan iragkes diyà te ketivuukan he vilang te menge Israilihanen su wazè man kandan he vahin duen te tanà he egkepengevilin te menge Israilihanen.

⁶³Iyan heini menge Israilihanen he nesinsus ni Moises wey ni Eleazar he memumuhat diyà te suǥud te Moab he kilid te Jordan he uvey te Jerico.