NUMERA 20:6-14

⁶Bena Mose bona Aaron na hebou taudia edia amo e raka oho, hebou kalagana iduarana ai e goru diho; bena Iehova diaridiarina e itaia.

⁷Iehova ese Mose e hamaoroa, eto,

⁸Itotohi bavabia, taunimanima ba haboudia, oi bona kakamu Aaron dekemui ai; bena vairadiai nadi hagahagana ba haḡania, ranu na iena amo baine aru lasi. Unu amo oi ese ranu na nadi hagahagana amo ba ha-arua lasi, hebou taudia ba henidia bona edia ubu-ubu ḡaudiaba henidia, bae inua.

⁹Bena Mose ese itotohi Iehova vairana amo e abia, ena haheḡani heḡereḡerena.

¹⁰Bena Mose bona Aaron ese hebou taudia e haboudia, nadi hagahagana vairanai; e gwau henidia, eto, Gwau-edeede taumui e, a hakala; emui ranuna ina nadi hagahagana amo baia ha-arua lasi a?

¹¹Bena Mose ese imanae duduia isi, nadi hagahagana na nega harua ena itotohi amo e botaia. Bena ranu na e aru lasi badabada; hebou taudia ese e inua, bona edia ubu-ubu ḡaudia.ese danu e inu.

¹²Bena Iehova ese Mose bona Aaron e gwau henidia, eto, Asio abidadama henigu dainai, bona Israel taudia vairadiai lau ladagu asio hahelaḡaia dainai, umui raruosi ese ina orea taudia basio hakaudia vareai, lau ese vada na henidia tanona lalonai.

¹³Ina ranu na Meriba; badina be Israel taudia ese Iehova e ḡadeḡade henia, bena ia ese ena siahu e hahedinarai henidia.

¹⁴Bena Mose ese gwaukau taudia Kade amo e siaidia, Edom pavapavana dekenai, bae hamaoroa, baeto “Tadimu Israel na ini e gwau tomamu: oi dibamu dahaka ḡau dahaka ḡau ese vada e butumai tao;