Ngën-gi-woy 3:2-9

²Naa jóg, wër dëkk bi. Mbedd yeek pénc yi laay seete sama soppey xol. Seet naa ko, gisuma ko.

³Wattukat yee ma gis, ba ñuy wër dëkk bi. Ma ne leen: «Sama soppey xol, gisuleen ko?»

⁴Ma romb leen tuuti rekk, gis sama soppey xol. Ma ne ko taral, bàyyeetuma ko, ba yóbbu ko sama kër yaay, ba sama biir néegu ndey ji ma jur.

⁵Ngalla yeen, janqi Yerusalem, waatal-leen ma ci taaru kéwél ak koobay àll bi, ne dungeen dakkal te dungeen sooke tëraayu mbëggeel te jotul.

⁶Ana luy jóge màndiŋ ma nii, mel ni taxaaru saxar, suuroo ndàbb ak xas mu xeeñ ak mboolem cuuraayi jula?

⁷Laltub Suleymaan a ngoog, juróom benn fukki jàmbaar dar ko, di jàmbaari Israyil.

⁸Ñépp mane saamar, ku ci nekk mokkal xare, saamar ci pooj, ngay fàggu mbettum guddi.

⁹Ab toogu la Buur Suleymaan defarlu, ñu defare ko bantu Libaŋ,