Text copied!
CopyCompare
Holi Baibul - Brabli Gudwan Song - Brabli Gudwan Song 3

Brabli Gudwan Song 3:2-9

Help us?
Click on verse(s) to share them!
2Aibin luk ebriweya langa det bigbala taun, en oloba langa detlot strit en lilwan roud. Aibin lukabat main olmen. Aibin lukabat ebriweya, bat ai nomo bin faindim im.
3Detlot blijiman hu oldei lukaftumbat det taun bin luk langa mi, en aibin askim olabat, “Yumob bin faindim main olmen?”
4Streidawei wen aibin gowei brom olabat, aibin faindim im. Aibin holdim im, en ai nomo bin larramgo im. Aibin lafta deigim im langa main mami kemp, insaid langa det pleis weya aibin bon.
5Wal yumob gel brom Jerusalem, yumob garra pramis mi brabli strongbalawei. Yumob garra pramis nomo blanga kadimat minbala wen minbala laigim gija detmatj.
6Hu dijan kaminap brom det deset kantri? Im luk laik bigiswan smok. Det smok na brom det gudsmelwan medisin wen im barnap, en smel brabli gudwan. Detlot trebalamob oldei bringimap detkain brom najawan kantri.
7Luk! King Salaman, indit? Dei garrimap im garram im boswan tjeya. Bigmob solja lukaftumbat im, en olabat ola brabli gudwan soljamob blanga Isreil.
8Deibin ol klebawan blanga yusum det bigwan naif, en dei sabi fait nomo lilbit. Dei ol garram bigwan naif langa olabat bingga, en ebrinait olabat jidan redi blanga fait.
9Deibin garrimap King Salaman langa im tjeya, weya sambala bin meigim garram brabli gudwan wud.

Read Brabli Gudwan Song 3Brabli Gudwan Song 3
Compare Brabli Gudwan Song 3:2-9Brabli Gudwan Song 3:2-9