MELKAHKAHN MELKAHKA KAN 3:2-9

²I kin kohkohseli nan kahnimwo, nan ahl akan oh nanpwungen ihmw kan. I rapahki ei mwohnlimpoako, I rapahki, I ahpw sohte kak diar.

³Silepen kahnimwo kei ahpw kasaingiehdi ni ar doudouseli; I ahpw idek rehrail, “Kumwail sohte kilang ei mwohnlimpoako?”

⁴I alulahsangirailte, ngehi eri tuhwong. I ahpw pwoalehdi, sohte men kadarala lao I walahng nan imwen ineio, walahng nan pere me I ipwidi ieo.

⁵Lihen Serusalem kan, kumwail inoukihong ie; kumwail kahukihla ni mwaren tie marahra kan oh kasel kan me kumwail sohte pahn kadirapwahla at limpoak.

⁶Dahkot met me kohkohdahsang nan sapwtehn likamwete uhr en ediniei, me pwohn warpwohmwahu oh mir, warpwohmwahu me sounnetinet kan kin netikihla?

⁷Solomon ketiket kohdo, e ket pohn sapwellime rohpapiso; sounpei wenehk me wia silepe sounpei me keieu wadawad nan Israel.

⁸Irail koaros koahiek en doadoahngki kedlahs; irail koaros iei sounpei wadawad ekei nan mahwen. Emenemen irail tehtehki kedlahs, mehn sile mwekid suwed kan en nipwong.

⁹Nanmwarki Solomon ket pohn mwoale me kin ro, me wiawihkihda tuhke keieu kaselel.