NARONAA 10:22-33

²²Akũ Ɛflaimu zĩ̀karinↄ bùraa fùtɛ gã̀ kũ gã̀ao kũ ń tutaao. Amiudu nɛ́ Ɛlisamamɛ ń don'arɛde ũ.

²³Pedazu nɛ́ Gamaliɛlimɛ Manase zĩ̀karinↄ don'arɛde ũ.

²⁴Gideoni nɛ́ Abidãmɛ Biliaminu zĩ̀karinↄ don'arɛde ũ.

²⁵Akũ Dã zĩ̀karinↄ bùraa fùtɛ gã̀ kũ gã̀ao kũ ń tutaao. Mↄ́kↄ̃nↄ mɛ́ òdigↄ̃ tɛ́ kpɛkpɛ. Amisadai nɛ́ Ayɛzamɛ ń don'arɛde ũ.

²⁶Ɔkↄrana nɛ́ Pagiɛlimɛ Asa zĩ̀karinↄ don'arɛde ũ.

²⁷Enana nɛ́ Airamɛ Nafatali zĩ̀karinↄ don'arɛde ũ.

²⁸Lákũ Isarailanↄ dì bùra futɛfutɛ ògↄ̃ tɛ́tɛkↄ̃i nàn gwe gã̀ kũ gã̀ao.

²⁹Obabumɛ Musa anzure Ruɛli nɛ́ ũ, Midiã burimɛ. Musa pìnɛ: Ótɛn da zɛ́n ò gɛ́ bùsu kũ Dikiri pì áni ó gban. Ǹ mↄ́ ǹ gɛ́ kũoo, óni yã mana kɛnnɛ, zaakũ Dikiri nnamana gwe lɛ́ sɛ̀wɛrɛ.

³⁰Akũ à pìnɛ: Mani gɛ́ro, mani ɛra ma bùsun ma bedenↄ kĩnaamɛ.

³¹Musa pì: N yã nna. Ǹsun ó tónlo, zaakũ ń bùrakatɛki mana dↄ̃ akũsↄ̃ mↄkↄ̃n mɛ́ ĩni kɛ ó wɛ́de ũ.

³²Tó n gɛ kũoo, óni yã mana kũ Dikiri ni kɛwɛrɛ kɛnnɛ se.

³³Isarailanↄ bùraa fùtɛ Dikiri kpi sarɛ ò táa ò gↄrↄ aakↄ̃. Ò dò arɛ kũ Dikiri bàka kunna kũńwo àkpatiio de à bùrakũki mↄńnɛ.