Muqâqiŋ Dâŋ 26:2-10

²Fuŋne tâmiricko sâwec‐nâpopie fâri tâmiric eocmu, wiac i sawa hehetâc wipe jaŋe hehetâcnehuc nâworueŋgopieŋ irec sâc ekac.

³Becâsiczi kâcbiŋ kizejec â doŋgi micko kiki râecnezo erâ ŋic mutucne qa bâtiŋ ecnezo.

⁴Go ŋic mutucne wiwio‐ticnere okacne bâtikiecnecmuo ine go gahacne wâc e iŋucne mutuc jaha ecmu.

⁵Ŋic moczi e jahacnere maname maŋɋârâŋhec jukopac, iŋuc ezacte go wiwio‐ticne mutucnere okacne mutucne jaha bâtikiecnezemec.

⁶Ŋic moczi ŋic mutucne moc biŋedâŋ‐ticne baraocte soreocmu ere manapene e jahacne kike hetâcnekac irec sâc eocmu; e iŋuc ehuc sisipiric hotâckeocmu hâcne.

⁷Ŋic mutuc matacnezi muqâqiŋ dâŋ muocmu i ŋic moczi kike‐ticne demba qame hata raekac irec sâc eocmu.

⁸Ŋic moczi ŋic mutucne mumbiaŋkeocmu e ine ŋic moczi mutuc erâ tacbaŋko qânâ basanaŋkeme mi raekac ere sâc eocmu.

⁹Ŋic mutuc matacne moczi maŋɋârâŋ dâŋ muocmu e ŋic moc opâ sanaŋ nâku maŋne sifuckeme meticnaonec ʒârâ unuckeocte eipieocmu irec sâc eocmu.

¹⁰Ŋic moczi ŋic mutucne moc rorâ kiŋaŋ qaqa‐ticne baocmu e ŋic hatapecne fotâcnehapie kosa muruc‐jopaekac ŋic ere sâc eocmu.