1Motec maŋɋârâŋhec e mamacnezi mu bâtiŋ ecneme dâŋticne manaocmu, â motec ʒaubacnezi ine dâŋticnere takickeme qikiŋneocmu.
2Ŋic biaŋne jaŋe dâŋjeŋicte fârine biaŋne jaha roeŋgopieŋ, â ŋic eeatucne jaŋe ine bâbâʒâic gie baniŋte boc ejareekac.
3Ŋic moc e micticne soŋaŋkeocmuzi juju‐ticne ŋezickeocmu, â moc e ine manabâc mi ehuc dâŋ kosa muocmuzi juju‐ticne sipirickeocmu.
4Ŋic ojoŋnezi wiac irec me irec boc ecneha sifu mi bâfuaocmu, â ŋic moc e gie ʒoɋachec baocmuzi ine wiac irec me irec ecneocmu sâc bâfuaocmu.
5Ŋic siocmâc jaŋe burecdâŋ qaisockeeŋgopieŋ, â ŋic sindaŋne jaŋe wiac mu bac epie miminehec â mamakâcne eekac.
6Tiŋne jujuzi ŋic bahacmâc ŋezic‐jopaekac, sâqocnezi ine ŋic sindaŋne bawahac‐jopaekac.
7Ŋic hapetac gâcne jaŋe ŋic moneŋ mafa sâkohec jaŋere hawari eeŋgopieŋ, â ŋic mafa mâririhec gâcne jaŋe wiac‐jeŋic foipieha sifu ŋic hapetac jaŋere hawari jueŋgopieŋ.
8Ŋic moneŋ mafa sâkoheczi juju‐ticne ŋezickeocte afeckerâ kiwiric‐ticne râeocmu, â ŋic hapetaczi ine iŋuc eocte eipieocmu.
9Ŋic tiŋne jaŋe lambe tatamac sâko iŋucne, â ŋic sindaŋne jaŋe ine lambe tatamac gâkowaekac irec sâc.
Muqâqiŋ Dâŋ 13
Muqâqiŋ Dâŋ 13:1-9