Muqâqiŋ Dâŋ 10:2-10

²Wiac sindaŋne ehuc moneŋ mafa bâbâfua izi sâcne mi bafic‐nâpoocmu, bâmec bapa giezi ine hâmockonec batarac‐nâpoocmu.

³Wofuŋ e ŋic tiŋne jaŋe nânâre hâmo sipiric eniŋte mi manasuekac, ehuc ŋic hehesicne jaŋe râsi ejarehuc buchâro‐jeŋic qame wahaekac.

⁴Ŋic ojoŋnezi hapetac erâ juocmu, gie ʒoɋachec baocmuzi ine moneŋ mafahec eocmu.

⁵Ŋic mamanaheczi qa roro dameŋ maickeme nânâ wiac qa roro eocmu, â moc e qa roro dameŋko guŋ foocmuzi ine wiac miminehec bâfuaocmu.

⁶Ŋic biaŋnere faio wiac biaŋne jaha feocmu, â ŋic sindaŋne e maŋticnao ʒârâ foekac i dâŋticnezi tapa baekac.

⁷Ŋic biaŋne jaŋe ehâmo‐nârehuc jumbiŋte manasuc‐jopaeŋgopeneŋ, â ŋic sindaŋne jaŋere ine biac nikec‐nâpoekac.

⁸Ŋic mamanahec jaŋe mumutâc dâŋ mana maŋ eeŋgopieŋ, dâŋ racne mueŋgopieŋ jaŋe ine sipirickeniŋmu.

⁹Ŋic sioc tâmiriczi wama faio juhâc qâhâmoocmu, ŋic siochec ere fuŋne ine biac bataniŋkeniŋmu.

¹⁰Ŋic moc e bahac hesoŋkehuc ʒârâ hâriŋ bâfuaocmu, â moc e wiac mocte maname sâqoreme mufuahuc wamare gie baocmu.