Dad Fngewe 10:2-10

²Landè gufyem di knun gweam fagu di klimbung, bay i katlu nimò i gafalwà ge di fati.

³Là faloh Dwata ku malnus i dad to matlu, na laan faloh ku gwè i dad to sasè i sasè kniballa.

⁴Ku là ge mayè mimò, én gaflandè ge, bay ku malgad ge mimò, én gafnun ge.

⁵I to fulung faldam, kamtu kenen di bang i kaktu, bay magagyà i to ku én balingan nimò kudang di bang i kaktu.

⁶I to matlu, nun kafye gdawatan, na i to sasè, gbunin i klabean fagu di kfulungan talù.

⁷I to matlu, fnadlug gafaldam kenen balù tamlo nan mati, bay i to sasè, too malmo i dengegan na too kenen mlal glifet.

⁸I to fulung faldam, too gamdawat i fye fngewe, bay i to talù là man, falmon i kton.

⁹I to matlu landè klikoan du mdà di fye nimoan, bay i to mlimbung, gakfè di klimbungan.

¹⁰I to muni i kaglut, én gumdà i ksamuk, bay i to labè mngak i to mimò sasè, kenen gafatlag i ksamuk.