Mumutara Ŋic 6:17-22

¹⁷Mume âzâcnewec: “Dâŋ nazakomec irec ehuc mana‐naretec sâckeme ma moc nowatutec fuŋnege manazepac.

¹⁸Go biac mi rahuc ʒira ŋehaŋtec rarâ wiac piticne mac moc baware‐garezepac.” Eme eki muwec: “No ʒira ŋehape rarâ risiezemec.”

¹⁹Iŋuc mume Gideoŋ e ficticnao rarâ noniŋ motecne moc qarâ rikewec. Ehuc poroŋ uucne foŋ moc rorâ goreŋ tâmiric rikewec. Eme qowi i kâdoc mocko râerâ sicticne kuʒi mocko qame hume bararâ boriŋfuŋko hecnewec.

²⁰Iŋuc eme Anuture kiŋaŋŋiczi ʒiŋuc âzâcnewec: “Qowi â poroŋ goreŋ tâmiric i rorâ qânâ ʒirec faio râec, qowi sicticne ine hoŋketec raoc.” Mume Gideoŋ e iŋuc ewec.

²¹Eme Wofuŋte kiŋaŋŋic e gunu‐ticnere botâŋnezi qowi â poroŋ goreŋ tâmiric i qâuawec. Qâuame izia qânâonec ʒocbâruŋ fuarâ qowi biucne â poroŋ i ʒâseŋkewec. Iŋuc fuame Wofuŋte kiŋaŋŋic e sipuac ewec.

²²Sipuac eme Gideoŋ e ʒiŋuc mana tarawec: E Wofuŋte aŋelo. Ehuc muwec: “O jei, Wofuŋ Anutu! No Wofuŋte aŋelo ʒâŋe fâri‐nanezi honepac i.”