Miti Mumu Ŋic 11:2-6

²Erâ gie mocjahare sawa mâcne, gie 7 me 8 irec biŋe qikiŋnezemec. Go mâreŋko wemo ŋemâc moc fua‐gareocmu i mi manakicte iŋuc hâcne ezemec.

³Karoraczi qâzuckerâ gâpârehuc hoe heekac, â jâc moczi juwicpec me faicpec fararâ ijaha foocmu.

⁴Go hoe mâŋâŋ jahere soŋaŋ bahuc gie he sarac mi ecmuo ine qa roro dameŋ maickeme fârine basacmu.

⁵Neŋgoc bumaŋko ŋic ɋâricne weniŋuc ehuc maŋ sahachec fuaekac i mi manaeŋgopeneŋ, iŋuc jaha wâc Anutu bapafâre rune e gie bapa‐ticnere fuŋne mi manaeŋgopeneŋ.

⁶Go furicte â owâcne gie he sarac ezemec; go wiac wenimoizi biaŋkeocmu â wenimoizi sâqoreocmu, me mâmâc jaha fua biaŋ eniŋmu i mi manaekicte iŋuc hâcne ezemec.