Minbu 15:19-30

¹⁹Hiche gamsung gasoh ho nanehteng ule Pathen maicham ding jongna khen doh cheh cheh diu ahi.

²⁰Na lousoh mim le chang agamasa penchu changbong a na suhdiding changlhah lumma na sem dinghichu Pathen a dinga gamasa pen ahi jeh’a napeh doh ding ahi.

²¹Ahung lhung ding khonungkhang geija hiche maicham atheng Pathen hengnga pehdoh ding hi akumsih leh najui ding na lou gasohamasa pen chu na koidoh jing ding ahiye. Hetkhel Jeh’a Chonsetna Aum Teng Jui Ding Danpi

²²I-ham tia Pakaiyin Mose hengaathupeh chengse hi nahsahmo jehhilouva, hetthem lou jeh joh’a nasuhmil khah uva,

²³Khonung’a Na chilhah ho jengin jong Pathen thupeh ho a suhmilkhah uva,

²⁴Hiche suhkhelna chu mipijousen ana hetthem lou jeh ahi khahtahleh Israel mipi te chun Bongchalnou khat Pathen heng’a gim namtuithilto dia ato diu ahi. Chuleh Annehding thilto leh don ding thil to toh, chonset thilto adia kelnou khat atotha diu ahi.

²⁵Hicheho jousetohhinthempupan Israel mipiho chu Pakaima-sang’a a suhtheng ding chu tengamaho chu ngaidam ma um diu ahi. Ajeh chu amahon a chonset nau chuana hetlou jeh’u ahin, a maichamthilto jal uva, kingaidam diu ahi. Pathen heng’a chonset thilto lehkilhaina abol jal uva chu ngaidamkichan diu ahi.

²⁶Israel mipite leh gampam miabon cha uva ngaidam a um nahi tauve.

²⁷Koi tobang khat nin hethemlouva chonset na ahin bol tah leh, amapa chun kelpi kumkhat lhingsetkhat a chonset thilto ahin tohdoh ding ahi.

²⁸Thempu chun hiche Pasal chu Pakai masanga asuh theng ding chuteng amapa chu ngaidam ma umding ahitai.

²⁹Hiche thuhil hin nangma ho Israel chilhah ho na hiuvin chulemi dang, chi dang nam dang nagamuva khopem ho jouse jong ahopsohkei ahi.

³⁰Hinlah nangho lah a koitobangahe nasa’a Pathen deilam bollouvang chu Pathen taitom kiti dingchule amaho chu Isarelte lah a pat’achomkhen’a um ding ahiuve.