Mga Himo 8:32-34

³²Niyan, an parte san Banal Na Kasuratan na ginabasa niya amo ini: “Baga siya an patyon na karnero, bagaʼn kordero na dili nagaribok sa atubangan san nagagunting san iya barahibo. Pareho man siya ina, wara magsurmaton.

³³Nagpakaalo siya kag wara siya hatagi sin hustisya. Sin-o an makasusog san iya lahi, kay an iya buhay sa kinab-an natapos na?”

³⁴Didi man naghunga an opisyal kan Felipe, “Sabihi daw ako kun sin-o an ginsabi didi san propeta, manungod kaya sa iya mismo o sa iba?”