Panua Ato ad 8:32-34

³²Be Deo ele laulau aea posanga toa iuatoato eine ga bedane, “Eaba toa oa, gid panua tibada ei ga ila ngan pamatenga ei mambe titotoi sipsip, be ei mumun ga imamado mambe sipsip toa tiket ilaun. Ei ikado posanga eta ga ila pagid mao.

³³Gid tipamaeamaea ei, be tipatutui posanga toa imadid ngan oa kemi mao. Irangrang ngan eaba eta ininipu ngan ele gergeu mao, ngansa ei imate be ipopo eta mao. Ngansa ele madonga tanoeai kus.”

³⁴Io, madidnga toa ibeta Pilip bedane, “Keo pagau, eaba toa ibada Deo iaoa ne ikeokeo ngan sai, ei mulian, mao eaba eta pade?”