ᤛᤣ᤺ᤰᤕᤢᤰᤔᤡᤒᤠᤜᤠ᤹ 8:32-34

³²ᤂᤧᤸᤗᤧ ᤏᤡ᤺ᤖᤢᤒᤠ ᤛᤠᤶᤕᤥᤛᤠᤵᤗᤠ ᤗᤰᤁᤡᤴ ᤁᤴ ᤘᤕᤧᤖᤥ– “ᤂᤢᤏᤧ᤹ᤃ ᤛᤧᤳᤇᤧ ᤋᤣ᤹ᤔᤏᤠᤒᤠ ᤔᤧᤸᤗᤢᤰ ᤜᤧᤰᤁᤣ ᤆᤥᤃᤧ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤢᤖᤡᤰ ᤁᤧᤏ᤺ᤱᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤠᤱ ᤛᤫᤠ᤺ᤳ ᤁᤧᤕᤧᤵᤐᤠ ᤔᤧᤸᤗᤢᤰᤛᤠ᤺ ᤜᤧᤰᤁᤣᤀᤣ ᤌᤣᤀᤠᤱ ᤔᤧᤒᤠ᤺ᤳᤋᤢᤴᤗᤥ॥

³³ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤏᤠ ᤔᤧᤎᤠ᤺ᤛᤢ ᤔᤧᤒᤡᤖᤢᤀᤠᤱ ᤋᤢᤰᤂᤣ ᤔᤧᤈᤠ᤺ᤳᤋᤢᤖᤥ॥ ᤁᤢᤔᤢ᤹ᤀᤡᤍᤠᤱᤛᤠᤖᤧ ᤁᤢᤕᤠ᤺ᤶᤒᤣᤀᤥ ᤜᤠ᤺ᤳᤗᤧᤀᤠᤱ ᤐᤠ᤺ᤵᤔᤠ ᤔᤧᤛᤢᤰᤋᤢᤴᤗᤥ. ᤌᤣᤀᤠᤱᤓᤧᤸᤗᤧ ᤏᤧᤳᤋᤡᤃᤧᤴ ᤁᤢᤜᤡᤱᤔᤴᤏᤡᤱᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤋᤣ᤹ᤖᤧᤖᤥ॥”

³⁴ᤜᤧᤰᤁᤩᤠᤱ ᤂᤧᤴ ᤛᤧᤓᤰᤐᤧᤸᤗᤧ ᤑᤡᤗᤡᤵᤐᤧᤴ ᤛᤣ᤺ᤴᤍᤥᤛᤢ. “ᤁᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤜᤠ᤺ᤳᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤒᤠᤒᤣ᥅ ᤂᤢᤏᤧ᤹ ᤀᤠᤒᤠᤅᤣ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤒᤠᤒᤡ. ᤘᤣ᤹ᤛ᤻ᤔᤠ ᤔᤏᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤳᤋᤢᤒᤠᤒᤡ᥅ ᤀᤡᤱᤃᤠ᤹ ᤐᤥᤎᤰ ᤆᤥᤃᤠᤱ ᤐᤡᤖᤠᤱᤅᤧ᤹ᤀᤥ॥”