Hechos 8:32-34

³²Y tiaꞌ war uche leer e winic tama uyojroner e Dios jax era: Jaxir bꞌan cocha inteꞌ oveja xeꞌ war aqꞌuejcha axin tuaꞌ achamesna, y jaxir bꞌan cocha inteꞌ chuchu oveja xeꞌ awawan y machi aꞌru xeꞌ intaca awawan tzꞌustaca conda war axujra utzutzer. Y bꞌan jaxir ubꞌan, machi ojron tut tin e tuaꞌ uchamsiobꞌ.

³³Y jaxir manxujresna y majax erach e juez xeꞌ ojron tacar. ¿Chi tuaꞌ oꞌjron tamar umaxtac o tamar usitzobꞌ cocha matucꞌa? Porque jaxir chꞌom sitzto conda loqꞌuesna ucuxtar tama or e rum era. Bꞌan che tama uyojroner e Dios lo que war uche leer e winic.

³⁴Entonces ojron e ajcꞌampar taca e Felipe y che: —Aren pues ¿tucꞌa nic war ubꞌijnu e profeta conda utzꞌijbꞌa e ojroner era? ¿Jax taca ca jaxir xeꞌ tuaꞌ unumse ubꞌa tama tunor era? ¿O ayan ca otronteꞌ xeꞌ tuaꞌ unumse ubꞌa cocha era? che e ajcꞌampar.