Aposɨl 8:32-34

³²Bɨ nɨbak God Mɨnɨm dai Aisaia ñu kɨl tɨkak nɨbak udɨn lɨ nɨŋek. Mɨnɨm nɨbak nɨbgɨl mɨdeb: “Ne kaj sipsip poŋ dɨl dam ñag pak lɨpal rek nep mɨdek. Kaj sipsip ñɨlɨk kas tɨkel, wal ma agɨp rek, ne ak rek nep mɨnɨm alap ma agak.

³³Tap tɨmel alap ma gak ak pen nop mɨnɨm esek agɨl, gɨ tɨmel gɨlak. Nop pɨs nep ñag pak lel kɨmak ak me, kɨsen bɨ an rek mɨdɨl, ‘Nɨb nɨb golɨgɨp,’ agnɨgab?” agak.

³⁴Bɨ kɨb Itiopia nɨb ak mɨnɨm nɨbak nɨŋɨl, Pilip nop agak, “Mɨnɨm ageb nɨbaul, God mɨnɨm agep bɨ ak ne ke ageb aka bɨ ke nɨb alap ageb?” agak.