HECHOS 8:32-34

³²Loo libr co' nac xti's Diox co' ngue lab mbi' ngòc di's co' mque' Sayi ye's. Loo libr co'te' ngue lab mbi'a mbez: Mbe' mèn mbi' co'te' gath mbi' par guth mèn mbi' xalque' ndxuth mèn thìb mbacxil' yèn'. No texal co'se' imbez yèede mbacxil' yèn' co'se' ncho' mèn yis lad mbacxil' yèn', tataaguè' nec thìb di's ne'ncàb rode mbi'. No ne' ne' ngurez huí' mbi'.

³³Mastale' ngòc mbi' mbi' nado' per yende chó mèn ngna'b mbi' co'se' ngòc con' loo mbi'. Lomisque' ne, ¿chó mèn ngác ta' cuent cón che'n bin mbi' no tyoodi's mèn cón che'n bin mbi'? Yende moda tac mbi'a ne'ngsi'de bin mbi' loo izlyo' tac mbeth mèn mbi' loo izlyo'.

³⁴Per mbi' eunuc co' ndxàp yalñibe'a mnibdi's loo Lip. Ndxab mbi' loo Lip: ―Lip, bli favor, gunee loon chó cón che'n xa' ñii loo libr co' mque' Sayi ye's co' ndxab Diox. ¿Ché' ngue ta' libr cuent cón che'n yub Sayi o ché' ngue ta' libr cuent cón che'n tedib mbi', cà'?