Men Rom 3:9-29

⁹Iaduen atail pai mau jan arail? Kaidin, pwe je kadededar, me Juj o men Krik karoj mi pan dip,

¹⁰Duen a intinidier: Jota me pun amen, jota amen.

¹¹Jota me lolekon amen, jota me kin rapaki Kot.

¹²Karoj me japunlar, irail wiaki eu mamalar, jota meamen, me kin wiada me mau, jota amen.

¹³Tapin wor arail me rajon joujou eu, me jaikenta jarep pena, lo arail me re liliapaki, wini en kamela mimi ni oton ni arail;

¹⁴Au ar me dir en lalaue o katik,

¹⁵Nä arail me marara on kamela aramaj;

¹⁶Nan al arail me dir en jued o mauk;

¹⁷A al en popol me re jaja;

¹⁸Re jota kin majak Kot.

¹⁹A kitail ajaer, me kapun o lolok on, me kin papa kapun pwe au karoj en japaimokid o jappa pon lodi on kadeik en Kot.

²⁰Ari mon Kot jota uduk me pan pun kila a wiawia kapun, pwe kapun me dip kadiarok kidar;

²¹A anjau wet pun en Kot janjaledar likin kapun o kadede kidar kapun o jaukop akan.

²²A pun en Kot me pwili jan pojon Iejuj Krijtuj, ap lel on karoj me pojon.

²³Pwe jota lipilipil, karoj me wiadar dip o jota kak konodi linan en Kot.

²⁴Irail pan pun kila a mak japan, pweki en Krijtuj Iejuj a kotin dore kitail lar,

²⁵Me Kot kotin kajanjaledar en wiala mol en kalanan ni pojon nt’a, pwen kajanjaleda a pun ni a kotin lapwada dip en maj akan, me mier pan papadake en Kot.

²⁶A anjau wet a kotin kadededa a pun. Ieteten, me pein i me pun, ap pan kotin kapunala karoj me pojon Iejuj.

²⁷Ari, ia men juaiki? A lokidokilar! Ren kapun da? En wiawia kan? Kaidin, a ren kapun en pojon.

²⁸Ari, iet me je inda: Aramaj en pun kila pojon a kaidin wiawia en kapun kan.

²⁹De Kot en men Juj akan arail Kot eta? Kaidin pil Kot en men liki kan? Ei melel, pil en men liki!