Text copied!
CopyCompare
Maaron Saveeŋ Toni Patabuaŋ - Mbouŋ to Yes Israela - Mbouŋ to Yes Israela 137

Mbouŋ to Yes Israela 137:1-9

Help us?
Click on verse(s) to share them!
1Yei mbolemai izi ila ya to yes Babilona digedi, ve niŋazuuv ila pa ndug Zion, le lolomai isami ve nitaŋ.
2Tovenen nisaron gita tiei tizala timonau ila ai bogadi. Pasa, lolomai pa nirab di muul maau.
3Koiamai to tigham ghei ninim nineep ndug todi, tighaze nimbou mbouŋ pida, leso tilooŋa ve igham lolodi poia. Tisaav payei tighaze: “Ou, ambou mbouŋ tiam eta to ndug Zion ve nilooŋa lak!”
4Eemoghon aazne, yei nineep ninim loomba pa taan ite. Pale nimbou mbouŋ pa Yoova izi ndug tonene vena?
5O Yerusalem, ighaze lolog imaagh payom, Yoova tau pale iwaghamun nimag waan, leso narab gita muul sob.
6Onoon kat, ighaze matag iŋgal Yerusalem muul maau, ve tinig iza pa mbeb ite paam ilib pa Yerusalem, Yoova tau pale iwaghamun avog, leso nambou muul sob.
7O Yoova, matam iŋgal ŋgar samia to yes Edoma, ve uyati. Pasa, sawa to koiamai tireu Yerusalem, yes Edoma tinidi iza, ve tisaav tighaze: “Iya! Poia kat pa areu Yerusalem. Areu mbirisani izi!”
8O ndug Babilon, yom uwaghamun ndug katindi, tovenen yom paam pale usami. Tamtoghon to ighaze iyat ŋgar to yom ugham payei, nene pale tini iza pa poia to Maaron to iza toni!
9Ve yes to tikis ndinatumim geegeu, ve tilos di tizala yaam pogho, tovene paam. Poia to Maaron pale iza todi ve tinidi iza.

Read Mbouŋ to Yes Israela 137Mbouŋ to Yes Israela 137
Compare Mbouŋ to Yes Israela 137:1-9Mbouŋ to Yes Israela 137:1-9