Text copied!
CopyCompare
Mama Kuurrku Wangka - Mayu-mayuwana

Mayu-mayuwana 10

Help us?
Click on verse(s) to share them!
33Nyangka-ya Yitjurayilku tjamupirti rawa nyinarranytja Mama Kuurrku yapu miirl-miirlpa Tjayinayila. Palunyatjanu-ya pakara yalatja yanu. Nyangka-ya Liipayiku tjamupirtilu Mama Kuurrku puuka miirl-miirlnga kurranyulu katirrayintja Mama Kuurrtu-tjananya yutuwariwanalu ngurra nintitjuratjaku. Nyangka-ya pitjalayirnu ngurra marnkurrtjanulu ngurra tjunu nyinarranytja.
34Tjiinya Mama Kuurrku yutuwarilu-tjananya tirtu walara katirrayilpayi.
35Tjiinya tjirntu kutjupa tjirntu, yarnangu pirninya-ya yankukitja ngaralanyangka Mawutjalu Mama Kuurrnga ngaapirinypa tjapilpayi, “Yuwa Mama, pakala yanyan-yanyanpa nyinapayinya-tjananya ngurlutjingala. Nyangka-yayi wililyarrara kukurraala.” Palunyapirinypa Mawutjalu tirtu tjapilpayi.
36Nyangka-ya puuka miirl-miirlpa katirrayintjalu pitjalayilku ngaraku. Nyangka Mawutjalu Mama Kuurrnga puru tjapilpayi, “Yuwa Mama, pitja-lanyatju ngamuntirri kanyinma Yitjurayilku tjamupirti-latju minga-minga nyinarranyangka.” Nyangkalta-ya ngurra ma-tjunku.