Matta 13:3-9

³U ulargha temsiller bilen nurghun hékmetlerni éytip birip, mundaq dédi: — Mana, uruq chachquchi uruq chachqili étizgha chiqiptu.

⁴Uruq chachqanda uruqlardin beziliri chighir yol üstige chüshüptu, qushlar kélip ularni yep kétiptu.

⁵Beziliri téshi köp, topisi az yerlerge chüshüptu. Tupriqi chongqur bolmighachqa, tézla ünüp chiqiptu,

⁶lékin kün chiqishi bilenla aptapta köyüp, yiltizi bolmighachqa qurup kétiptu.

⁷Beziliri tikenlerning arisigha chüshüptu, tikenler ösüp maysilarni boghuwaptu.

⁸Beziliri bolsa yaxshi tupraqqa chüshüptu. Ularning beziliri yüz hesse, beziliri atmish hesse, yene beziliri ottuz hesse hosul bériptu.

⁹Quliqi barlar buni anglisun!