Matai 13:3-9

³tonde mem nêêl vakasin pakwesin ngeeyaata vu sil. Nêêl ti nambe, “Ham gango, omaaho ti la in nambe baalil yite vave dukana kul moos.

⁴Monaalil atombe vaalu tok nando mop, tombe manak lalaam-ambe laya lôôt.

⁵De vaalu tok lakando ngaanggis pasivdaka sen lakando tatuuh baandonii-to, tombe sen ngaanggis pasivdaka muu-to om me valup pavis,

⁶lemu taaku vavak ak-ambe malan pavis, tombe bambôôv valok-ate, in kangga me-lukala le.

⁷De vaalu lokala ganggwak dangga tombe ganggwak valup having be yêês, om me-yiis nôôn e.

⁸Tonde vaalu lokala ngaanggis anivasa ond valup-ambe yiis nôôn. Heey yiis nôôn doo-namaavaalu, de heey yiis nôôn doo-yaal, de heey yiis doo-ti be nomaayuuh.

⁹Ke, omaaho ti nambe nanye neep ond gangoyin.”