Matäuj 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹A LAO majani pokon o, ap kotida pon dol eu; a lao kaipokedi, japwilim a tounpadak kan ap kai don i.

²I ari kotin dauaja pajan jilan i kawewe on irail majani:

³Meid pai, me jamama ni nen ir, pwe nairail wein nanlan.

⁴Meid pai, me mauk, pwe re pan kamaitala.

⁵Meid pai, me opampap, pwe re pan jojoki jappa.

⁶Meid pai, me kin men mana o men nim me pun, pwe re pan medila.

⁷Meid pai, me kadek, pwe re pan diar kadek.

⁸Meid pai, me nan monion arail makelekel, pwe re pan ariri Kot.

⁹Meid pai, me kin tom pena, pwe re pan adaneki jeri en Kot.

¹⁰Meid pai, me kamekameki pun, pwe nairail wein nanlan.

¹¹Komail meid pai, ma irail lalaue o paki komail o palian komail ni arail lokaia jued o likam pweki nai.

¹²Komail injenemau o perenda kaualap; pweki katine pamail me lapalap nanlan. Pwe iduen irail paki jaukop oko, me mo ’mail.

¹³Jol pan jappa komail. A ma jol jara jan, da me a pan joleki? Nan a pan me mal kot, men lokidokila, o aramaj en tiak pajan.

¹⁴Marain pan jappa komail, Kanim eu, me mi pon dol eu, jota kak rirla.

¹⁵Aramaj pil jota kin ijikeda lamp eu, ap ki on pan kajak, pwe pon deu a, o a kin kamaraini toun im karoj.

¹⁶Iduen omail marain en janjal mon aramaj, pwe irail en udial omail wiawia man kan, ap kapikapina Jam omail, me kotiluit nanlan.

¹⁷Eder kikion me I kodon, tiakedi kapun de jaukop akan. I jota kodon tiakedi, a pwen kapwaiada.

¹⁸Pwe melel, I indai on komail, lao lan o jappa pan poula, jota iota eu de kijin muai en kapun eu pan lokidokila, lao karoj pan pwaida.

¹⁹Ari, meamen me tiakedi eu kijin kujoned tikitik pukat, ap pil padaki on aramaj, ren tiakedi, nan a pan tikitik nan wein nanlan. A meamen, me oke o padaki on aramaj, ren oke, i me pan lapalap nan wein nanlan.

²⁰Pwe I indai on komail, ma omail pun jo man jan pun en jaunkawewe o Parijär, akan, komail jota pan kak pedelon on nan wein nanlan.

²¹Komail ronadar, me a loki, on men kaua: Koe der kamela aramaj! A me pan kamela aramaj, pan panalan kadeik o.

²²A I indai on komail, meamen makarada mal pan ri a ol, pan panalan kadeik. A me pan indan ri a ol: Raka, pan panalan kapun. A me pan inda: Koe me pweipwei, pan lokidokila nan le en pweleko.

²³Ari, ma koe wa don pei jaraui om mairon, ap tamanda waja o, me ri om ol injenjued pa om.

²⁴Pwilikidi maj om mairon impan pei jaraui, ap kola kadeke ri om ol, ap kodo kapwaiada om mairon.

²⁵Madan materoki on me palian on uk ni om ian i pon al o, pwe me palian on uk ender panalan uk ren jaunkapun, a jaunkapun panalan uk ren papa o, o koe pan lokidokila nan imaten.

²⁶Melel I indai on uk, koe jota pan ko jan waja o, koe lao kapunala lua karoj.

²⁷Komail ronadar, me a lokido: Koe der kamal!

²⁸A I indai on komail, meamen ninar li amen, pwen norok, nan a kamal on i nan monion i.

²⁹O ma pali maun en maj om kamakar uk, waikada jan o kaje jan uk, pwe a mau on uk, kijan war om en ola, jan war om pon en lokidokila nan pweleko.

³⁰O ma pali maun en pa om kamakar uk, waika jan o kaje jan uk, pwe a mau on uk, kijan war om en ola, jan war om pon en lokidokila nan pweleko.

³¹A pil lokido: Meamen me pan kajela a paud, i en ki on i kijin likau en kamueit.

³²A I indai on komail, meamen me pan kajela a paud, me jo nenek nan a kin kamal eki i; a meamen, me paudeki me lokido kilar, nan i me kamal.

³³Komail pil ronadar, me a loki on men kaua: Koe der kaula likam; a koe kapwaiada om kaula on Kaun o!

³⁴I indai on komail, der man kaula! Der kaukila nanlan, pwe mol en Kot;

³⁵Pil der jappa, pwe utipa; pil der Ierujalem, pweki kanim en Nanmarki lapalap.

³⁶Koe pil der kaukila mon om, pwe koe jota kak on wiada pit en mona eu, en puetepuet de tontol.

³⁷Omail kajokajoi pena en: Ei ei; jo, jo; pwe me dauli mepukat, kin tapi jan ni me jued.

³⁸Komail ronadar, me a lokido: Por en maj en depukki por en maj; o ni pot en depukki ni pot.

³⁹A I indai on komail, komail der palian me jued. A meamen pikir uk ni pali maun en likin jap om, pil ki on i pali teio.

⁴⁰O meamen, me men wa uk ala ni kapun, pwen adia jan om jakit, en pil ki on i om likau pup.

⁴¹O ma meamen nidinid kin uk, en ian i mail eu, koe en ian mail riau.

⁴²Kijakijai on me kin nidinid re om, o koe der jaupei jan me poekipoeki re om!

⁴³Komail ronadar, me a lokidor: Koe en pok on men imp om ap kailonki om imwintiti!

⁴⁴A I indai on komail, pok on omail imwintiti kan. o kapakap kin irail, me paki komail;

⁴⁵Pwe komail en japwilim en Jam omail, me kotikot nanlan. Pwe a kin kapwareda japwilim a katipin pon me jued o me mau kan, o kotin kamoredi katau pon me pun o me japun kan.

⁴⁶Pwe ma komail pok on, me kin pok on komail, da me pan katin pa ’mail? Jaunopwei jota kin wia due met?

⁴⁷O ma komail ranamau on ri omail akan, da me komail jikiki jan me tei kan? Men liki kan jota kin wia due met?

⁴⁸Komail ari en unjokela dueta Jam omail, me kotikot nanlan, a unjok.