Matäuj 6

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹KOMAIL kalaka, pwe komail der kijakij janjal mon aramaj, pwe ren udial; pwe ede jota pwain omail ren Jam omail, me kotikot nanlan.

²Ari, koe lao kijakij, ede peuk jaui mo om, duen me malaun akan kin wia nan jinakoke kan o nani al akan, pwe ren indand ren aramaj. Melel I indai on komail, re aleer arail pwain.

³A koe lao kijakij, der kajale on pali main om, me pali maun om kin wiada.

⁴Pwe om kijakij en rir; a Jam om, me kin majani waja rir, pan kotin katini uk.

⁵Koe lao wia kapakap, koe der raj on me malaun akan, pwe re men kapakap nan jinakoke kan, o nani al akan, pwe ren janjal mon aramaj. Melel I indai on komail, re aleer arail pwain.

⁶A koe lao wia kapakap, ko on nan om pera, a koe lao ritinidier wanim o, ap kapakap on Jam om, me kotikot waja rir, a Jam om, me kin majani waja rir, pan kotin katini uk.

⁷Komail lao kapakap, komail depa purepur on lokaia mal, duen men liki kan, pwe re kiki on, me re pan pwaikida ar lokaia toto.

⁸Komail ari ender dueta irail, pwe Jam omail kotin mani meakan, me mau on komail, mon omail poeki re a.

⁹A iet duen omail pan wia kapakap: Jam at, me kotikot nanlan. Mar omui en jaraui.

¹⁰Wei omui en pwaida. Kupur omui en wiaui jappa dueta nanlan.

¹¹Kotikido ran wet at tunol kaukaule.

¹²Lapwa jan kit dip at, dueta kit me kin lapwada koroj, me wia dipi on kit.

¹³Eder kaluan kit ren me katikatiamau kan, a nekid kit jan ni me jued akan,

¹⁴Pwe ma komail pan makeki on aramaj dip ar akan, Jam omail nanlan pan pil makeki on komail.

¹⁵A ma komail jota pan makeki on aramaj dip ar akan, nan Jam omail jota pil pan makeki on komail dip omail akan.

¹⁶Komail lao kaijejol, eder maj en jan duen me malaun akan, pwe re kin kawukila maj arail, pwe aramas en kilan arail kaijejol. Melel I indai on komail, re aleer arial pwain.

¹⁷A koe lao kaijejol, ujor mon om o opinok.

¹⁸Pwe koe dor kajale on aramaj om kaijejol, a on Jam om, mi kotikot waja rir, a Jam om, me kin majani nan waja rir, pan kotin katini uk.

¹⁹Komail der ki pena omail pai kan nin jappa, waja man en mot o mir pan kawela ia, o men pirap kin weirada o pirapala.

²⁰A komail ki pena omail pai kan nanlan, waja man en mot de mir jota pan kawela, o men pirap jota kin weirada de pirapala.

²¹Pwe waja om pai mia ia, iei waja monion om kin pil mia ia.

²²Por en maj iei marain en pali war. Ari, ma maj om makelekel, war om karoj pan dir en marain;

²³A ma maj om me jued, war om karoj pan dir en rotorot. A ma marain, me mi lol om, pan rotorot, daduen wan rotorot!

²⁴Jota amen me pan kak papa jaumaj riamen, pwe a pan kailonki amen, ap pok on me teio, de a pan kajampwaleki amen, ap mamaleki me teio. Komail jota pan kak papa Kot o mamon.

²⁵I me I indaiki on komail: Eder nononki on maur omail, me komail pan kan o me komail pan nim, pil jota on war omail, me komail pan likau kida. Pwe maur jo kajampwal jan kijin mana, o pali war jan likau?

²⁶Kalelapok on manpir pan lan; re jote, kin kamoredi, re join kin dolun, re jota kin nak pena; ari jo, Jam omail nanlan kotin kamakamana irail; a ia duen, komail jo kajampwal jan irail?

²⁷A ij nan pun omail, ni a nonki, me pan kak uje pajan pein i ki tipon en pa eu?

²⁸O menda komail nonki likau? Kalelapok on kiop akan, me mi nan jap, duen ar kakairida. Re jota kin dodok o jota monkol pena.

²⁹A I indai on komail: Nan Jalomo ni a linan karoj jota a likau dueta apot irail.

³⁰Ari, ma iduen Kot kotin kapwataki dip, me mi nan jap, me kin mi ran wet, a lakap pan lokidokila nan kijiniai, dadue a jota pan kotin kalikauwi komail da, me pojon tikitik?

³¹I me komail der nononki moinda: Da me je pan kan? De da me je pan nim? De da me je pan likau kida?

³²Pwe mepukat men liki kan kin raparapaki; pwe Jam omail nanlan kotin mani, me mepukat karoj mau on komail.

³³Rapaki maj wein Kot o a pun, a mepukat karoj pan poujelan komail.

³⁴Eder nonki on lakap; pwe lakap pan nonki on pein i; a itar on ran eu pein a jued.