Markus 7:24-27

²⁴Mürin Jesus a feila seni ikenan o feila lon eu fanü arap ngeni ewe telinimw Tirus. Iwe, a tolong lon eu imw, nge esap mochen an eman epwe silei pwe a nom lon. Nge esap tufich an epwe opola.

²⁵Iwe, eman fefin a wor eman nöün nengin a wor eman ngününgau won, a rong usun pworausen Jesus. A müttir feito ren o fotopwäsuk arun pechen.

²⁶Ei fefin eman fin lükün Israel, a uputiu lon ewe fanü Fonisia lon Siria. Neminei a tüngormau ngeni Jesus pwe epwe atowu ewe ngününgau seni nöün we nengin.

²⁷Nge Jesus a pölüeni, “Sipwe akomwen amongöü ekewe semirit, pun esap pwüng ach sipwe angei anen ekewe semirit o mone ngeni ekewe kolak.”