28Jesus warl kwen-warl aylpek. Kwertengerl ikwerenh-rnemel renh ayernek, “Jesus, nthakenh ngkwengantarl arrenty ilenhan awelhemel alpek, anwernantherr ywarnarl ikwer arrkernelhek, arrenty renh irrentetyek. Akaltyila anwernenhantherr, anwernantherr arrenty-rnem irrentetyek.”
29Jesus-el ilek kwertengerl ikwerenh-rnem, “Arraty arrantherr perayirremelantarl Akngey ikwer-warl, arrantherr arrenty ilenh irrenteman.”
30Jesus iterrek kwertengerl ikwerenh-rnem akaltyiletyek ament-itwek, akngerr ingwer-rnem-kety. Apmer ikwer-they rernem alhek, apmer Galilee-angkwarr.