Mareko 4:30-35

³⁰Ebu Iesuꞌa bare reiro. 'Badiꞌaꞌa ibitoziniꞌetaꞌaꞌe nagini hina idaniꞌuma, ga nagi hari idaḡa hina idaniꞌuma?

³¹Aꞌe ire niḡa fufu, eꞌe ezoga heuḡa. Rahao ḡorauꞌeteꞌe zamaḡano, maḡaꞌe komeḡa fase, haba niduꞌa zamaḡano.

³²Rehano ḡoraune, ḡuhuradu faraꞌuma, ebu bororaꞌuma. Ire fouḡa ꞌahoga ꞌahoga vitine faraꞌuma. Ebu ezaga boro boroꞌa faraꞌuma. Ebu eꞌe zauhaḡano niniꞌa onaadu, neze haḡaiꞌuma.'

³³Iesu ani hari idaidaḡa, ꞌahiguḡa ḡehaḡa hina vaze mazao haramiro. Zeḡe edeḡa idane haramiro.

³⁴Aniꞌe hari idaidaḡa hina daꞌo ziro. Rehamo ane tahiꞌa tahiꞌa teite daꞌo radiroteꞌe madaḡano bone, aniꞌa huga niduꞌa ihoziro.

³⁵Eꞌe madaḡano ḡorava moneo Iesuꞌa ane tahiꞌa tahiꞌa zinaꞌa, “Eme duꞌura mone afa farihi.”