Marcos 4:30-35

³⁰Entonces ojron e Jesús otronyajr y che: —¿Tucꞌa erer inwareox xeꞌ aquetpa lar tacar uchinam e Dios? ¿Y tucꞌa ojroner tuaꞌ incꞌampes tuaꞌ ichecsu tiut que bꞌan uchinam e Dios?

³¹Pues uchinam e Dios lar tacar ut usemilla e mostaza lo que inteꞌ winic axin upaqꞌui tama uchor. Pues ut e semilla era jax xeꞌ más chuchu tama tunor ut e semilla lo que ayan tama or e rum.

³²Pero conda pacbꞌir y conda acꞌapa acuxpa y achꞌiꞌ, aquetpa e cꞌopot xeꞌ más nojta este que aquetpa nojta ucꞌabꞌ tuaꞌ uyubꞌi watar e mut tuaꞌ aturuan tamar tuaꞌ ajiriobꞌ tama usombrair, che e Jesús.

³³Pues entonces e Jesús cay canseyan taca meyra ojroner xeꞌ mucur cora esto tiaꞌ erer oꞌbꞌna umen e gente.

³⁴Y matucꞌa uyare e gente xeꞌ aquetpa chequer tutobꞌ bꞌan taca sino que war ucꞌampes e ojroner xeꞌ aquetpa mucur cora tutobꞌ. Pero tut uyajcanuarobꞌ war uchecsu tunor era.

³⁵Y tama e día era conda war acbꞌare ojron e Jesús taca uyajcanuarobꞌ y che: —Incuic teinxejr e nuxi jaꞌ era, che e Jesús.