MARCUM 7:9-15

⁹Et dicebat illis: Bene irritum facitis præceptum Dei, ut traditionem vestram servetis.

¹⁰Moyses enim dixit: Honora patrem tuum, et matrem tuam. Et: Qui maledixerit patri, vel matri, morte moriatur.

¹¹Vos autem dicitis: Si dixerit homo patri, aut matri, Corban (quod est donum) quodcumque ex me, tibi profuerit:

¹²et ultra non dimittitis eum quidquam facere patri suo, aut matri,

¹³rescindentes verbum Dei per traditionem vestram, quam tradidistis: et similia hujusmodi multa facitis.

¹⁴Et advocans iterum turbam, dicebat illis: Audite me omnes, et intelligite.

¹⁵Nihil est extra hominem introiens in eum, quod possit eum coinquinare, sed quæ de homine procedunt illa sunt quæ communicant hominem.