Maku 7:9-15

⁹—Ritonõpo nyripohpyry myakãmãko matose atamurukõ namorepatopõpyry ke.

¹⁰Ynara Moeze nekarohpyry Ritonõpo omi poe, “Omykõ poko oenupunatoko, asakõ poko roropa oenupunatoko. Taorihmaposẽme rokẽ tumykõ kerekeremananõ mã kure,” tykase Moeze nymerohpyry.

¹¹Yrome ynara matose Ritonõpo omiry tyorõmãko. Ynara ãko matose imehnomo a, “Omykomo a otyro ekarory se pyra awahtao xine, ynara kahtoko rokẽ eya xine, ‘Otyro pyra ase,’ kaxitoko rokẽ eya xine. ‘Nae ase repe, ynekarory rokẽ Ritonõpo a,’ kaxitoko omykomo a,” ãko matose imehnõ amorepãko.

¹²Oty katoh tumykõ poko aenupunahtome matou morara ãko?

¹³Imehnomo a Ritonõpo omiry etahtome matose morara ãko. Atamurukõ namorepatopõpyry ke rokẽ Ritonõpo omiry tyorõmãko matose. Morara matose tyrĩko, tykase Jezu eya xine.

¹⁴Morarame imoihmãkõ tykohmase ropa tyya. Ynara tykase ynororo eya xine, —Kuetatoko emero, otato oehtohkõme.

¹⁵Otyro iirypyryme ahno onyripyra mana. Yrome tukurohtao iirypyryme ahno ahtao rokẽ mã iirypyryme samo.