Mak 4:24-39

²⁴Jisas embe dji, na kandja djindo ge ye pillpol tane. Una pille imbon dje yei dal, kandja merke piye. Ba una embe nayei dal, God kandjiye kembis ta piye ge alla i worda we dji.

²⁶God dumoye wopake kantau yendo ge embe mal yendo. Iwa ta wal megiye worda.

²⁷Imina ou pa, armina po kogo ye wanda ba, wal megiye bolo er pla wondo mal ge une kanpol natondo.

²⁸Makimb yene kogo yendaka iko megiye bolo er pla wondaka, yeke kembis tondaka, kupiye tondaka are megiye tondo.

²⁹Megiye bo tondaka, una djekapill ipo kelip to i nonj we dji.

³⁰Jisas embe dji, God dumoye wopake kantau yendo ge namba mal yendo? Na kandja su ye namba we djino?

³¹God dumoye wopake yero ge embe mal yero. Iko megiye pende moro mal mastet embe naparo, kembis ke kaima paraka una ipo makimb al yar.

³²Mastet megiye yar ge bolo wor kerman kaima pundaka wal porapora mau al yar ge kamblo aundo. Ole to wo kerman pundaka bi yenda al ge ka wo numbine take moye we dji.

³³Jisas kandja buko merke embe mal dji ge una yenekne pille ine mal dje awi.

³⁴Yene kandja dji ge kandja kiwa ta nadji, kandja buko eri dji. Ba are yene kogoye una boll moi ge, une kandja me ge dje pene woro awi.

³⁵Taman pika Jisas yene kogoye una moi al kandja dje embe dji, nono er nu erim konato bone! dji.

³⁶Djika una merke moi ge kambono kere kanu ta pai al ge, Jisas po ami dje moika ga pakna pumaka er pi. I er pumaka kanu pende ga kambono pi al ge are pi.

³⁷Po molmaka kamkopo kerman woika, nu olup ye po wo yeika, nu er kanu paknato po puka to moika,

³⁸Jisas kanu mopiyeto ngambale kumbengil ye pagle ou pamoi. Pa moika kogoye una po to mage embe dji, tisa, nono gopon manda yendo, ni napren mo?

³⁹Djimaka Jisas aglo molo kamkopo ne, nu boll aike man dje embe dji, ye olup alla nayese! dji. Embe djika kamkopo ne, nu olup kaima ta nayepill.