LUUKA 2:1-5

¹Dhali ka cim gwansan tani gwoŋḵan hashu mo ’pena Ughusthus Kaysar ki aris ’kwaniny’ceshi ’baar mo minu mii ’kwar gway buni mo.

²A’di ta mo gi ’kwaru gway jin ṯwa/a/ jin miikunu ka Kiriniyuus ta’da mudhiir gi Pan Suriyya mo be.

³Dhali uni ’baar mo iiki bway pu buniŋ gana/ mo ki she/ ki she/ mo mmo’kwar gway buni mo be.

⁴Dhala Yuusup̱ yaki’d mo si’da/ ’peni Pany Jaliil mo. A’di yaki’d mo ’peni Pa Naasira em Bampa/ Yahuudiyya mo em Pan Dawuu’d jin yuḵu ka Beeṯlaham si’da/ haali/ a’di ta ’kwani gi gu’b ma Dawuu’d mo dhali awaḵ ma Dawuu’d mo be.

⁵A’di yaki’d mo mmo’kwar gway ki is piti mo uni ka Mariyam jin ta a’di jin onu a’di ki bu’th mo, dhali a’di si’da/ cana bwa mo be.