Lukas 19:6-10

⁶Sakius sio ke ueiuei mana pe epele Iesus pe iech toto nge Iesus.

⁷Hulua lochloch ngana nemur te esia i pe te ngunngunu ke teke, “Non panei i langa non nenge na poinga poreke toto na pele!”

⁸Ol pe Sakius mes haka pe hele lange Iesus, “Non Soke, o longo at nge iau. Lape e tunge lek ure mur ele lochloch lange pakar mur. Pe pule nenge teke e pallaka ia iri lape e olia iri ke olinga huna henel la mule nge iri.”

⁹Pe Iesus hele lange Sakius, “Heueu mana nei NeHalang mene mule iong. Iange iong Apraham nette iong pule.

¹⁰Pe Non Tuna at ngana nei at ke tango rere iri nenge te erue pe mene mule iri.”