Lukaj 17:20-35

²⁰Parijär akai lao kalelapok re a: Dokan da me wein Kot pan pwaida? A kotin japen majani: Nan wein Kot jota kin janjal kokodo.

²¹Irail jota pan indada: Kilan met, de kilan monen, pwe kilan, wein Kot mi lol omail.

²²A kotin majani on japwilim a tounpadak kan: Ran oko pan kodo, me komail pan men kilanada ran eu en Nain aramaj, a komail jota pan kak kilan.

²³Irail pan indai on komail: Kilan monen, de kilan met! A der kola o der idauen ir ala!

²⁴Pwe duen liol kin linalin jan apali en lan lel pali teio en lan, iduen Nain aramaj ni a ran o.

²⁵A maj a pan kalokolok toto o lokidokila ren di wet.

²⁶O duen a wiaui ni muein Noa, iduen a pan wiaui ni ran oko en Nain aramaj:

²⁷Irail mana, irail nim, irail papaud, irail kapapaud, lao lel ran en Noa a pedelon on nan war im o, o nolik pwaida kamom ir ala karoj.

²⁸Pil dueta ni muein Lot: Irail mana, irail nim, irail netinet, irail japajap, irail kauadar im,

²⁹A ni ran o, me Lot koiei jan Jodom, kijiniai o jwepel ap moredi jan nanlan, kame ir ala karoj.

³⁰Nan iduen a pan wiaui ni ran, me Nain aramaj pan janjaledo.

³¹Ni ran o meamen mi pon im, o a kapwa mi nan im, a ender kodi on ale. O pil dueta me mimi nan jap, i ender puredo.

³²Tamatamanda en Lot a paud!

³³Pwe meamen kanakanai on maur a, pan pupe jan, a me pan kajela, nan i me pan maureta.

³⁴I indai on komail, ni pon ota ol riamen pan wonon pon pet eu, amen pan peuka jan, a me teio pan mimieta.

³⁵Li riamen pan irij pena plaua, amen pan peuka jan, a me teio pan mimieta.