Luka 8:21-45

²¹A o vov vačarda lenđe: “Mi dej thaj me phrala si kola save šunen o lafi e Devleso thaj ičaren le.”

²²Jekh đive o Isus phenda pe sikadenđe: “Te nakha ki aver rig e pajesi.” Dije ano čamco thaj đele.

²³Thaj kana pojdisade o Isus zasuta. Thaj uštili bari balval, o čamco lija te pherdol paj thaj lije te tason, thaj but darajle so sesa ano baro bilačhipe.

²⁴Thaj e sikade avile pašo Isus thaj lije te den vika: “Rajo! Rajo! Ka tasiva!” Thaj o Isus uštilo, thaj vačarda e balvaljaće thaj e bare pajese te ačhen, thaj von ačhile thaj pal gova khanči ni ašundilo.

²⁵A o Isus vačarda lenđe: “Kaj tumaro pačaipe?” A e sikade darajle thaj čudisajle thaj jekh averese vačarde: “Savo si kava so e balvaljenđe thaj e pajese vačarol te ačhen, thaj von šunen le?”

²⁶Thaj resle paši Gerasinsko phuv savi si ki aver rig tari Galileja.

²⁷Thaj kana iklilo o Isus taro čamco, avilo paše leste jekh manuš andaro foro ane kaste sesa benga. But berša Sasa nango, thaj ni bešlo ano čher, nego bešlo ke limora.

²⁸Thaj kana dikhlja e Isuse, dija vika thaj pelo angle leste thaj vačarda: “So manđe mandar, Isuse Čhaveja embare Devleso? Moliv tut ma mučima.”

²⁹Golese so o Isus već vačarda e melale duxose te ikljol andaro manuš, ane kaste sasa o melalo duxo but vreme. E manuša phandena le ane sinđira thaj aračhena le, čhinola e sinđira thaj o beng inđarola le ani pustinja

³⁰A o Isus pučlja le: “Sar si ćo alav?” Vov phenda: “Legija (but đene amen)”, golese kaj but benga sesa ane leste.

³¹Thaj molisade e Isuse e melale duxura te ma bičalol len ano bezdan.

³²Paše gotar sasa jekh brego kaj sesa pherdo bale save xana, a e melale duxura molisade e Isuse te mučhol te đan ane bale. Thaj o Isus mukhlja te đan.

³³Tegani iklile e melale duxura andaro manuš thaj đele ane bale, a e bale taro brego čhudije pe ano paj thaj tasile.

³⁴Kana dikhlje so sasa e manuša save arakhlje e balen, našle thaj đele te vačaren ano foro thaj ane gava.

³⁵Thaj iklile vađi manuša te dičhen so sasa. Kana avile pašo Isus, arakhlje e manuše kastar iklile e melale duxura. A o manuš bešol urado thaj gođaver paše Isusese pingre, thaj von darajle.

³⁶A kola save gova dikhlje vačarde averenđe sar o Isus sastarda e manuše ane kaste sesa e benga.

³⁷Thaj sa e manuša tari Gerasa thaj tare pašutne thana phende e Isusese te đal lendar, golese kaj but darajle. A o Isus dija ano čamco thaj irisajlo palal ani Galileja.

³⁸O manuš kastar o Isus ikalda e melale duxura molisada e Isuse te đal lesa, a o Isus mukhlja le vačarindoj:

³⁹“Iri tut ane ćo čher, thaj vačar sa so čerda tuče o Dol.” O manuš đelo thaj vačarda maškaro sa o foro so čerda lese o Isus.

⁴⁰Thaj kana irisajlo o Isus tare aver rig e jezerosi, e manuša sesa bahtale kana dikhlje le, golese kaj savore ađučarde le.

⁴¹Thaj dik, avilo jekh manuš saveso alav sasa Jair, savo si angluno ani sinagoga, avilo thaj pelo ke koča anglo Isus. Thaj molisada le te avol ane leso čher

⁴²Golese kaj sasa le jekhori čhej tare dešuduj berš, thaj voj sasa đi o meripe. Thaj kana pojdisada o Isus e Jairesa ane leso čher, čičidijele e manuša.

⁴³Thaj maškare manuša sasa jekh nasvali đuvli tare rateso thavdipe dešuduj berš. I đuvli sa po barvalipe so sasa la dija e sastarutnenđe thaj ni jekh naštine te sastarol la.

⁴⁴Voj avili od palal e Isusese thaj doldape tare leso teluno kotor taro fostano, thaj sigate ačhada la o ratvalipe lako.

⁴⁵Thaj vačarda o Isus: “Ko doldape gova pe mande?” Đi jekh lendar phende da naj von, a o Petar vačarda: “Rajo! But manuša si pas tute čičidije tut, a tu puče: 'Ko doldape pe mande?'”