Luk 9:50-60

⁵⁰Ka Iesu viteni min meatin keil onen vit, “Vuo, minahitentei mini nahati, veni munak meatin etai rovaetei vatal min kami, kei mul kataun kami.”

⁵¹Navong avong mai vesesal keke Iesu vahina en out nesa, kei mumon rendemien onen keke vaha Serusalem.

⁵²Sakini, sila tei en meatin keil onen uva mulamu eni. Keil uva en meteimal tai onen me-Sameria keil avasak mesein tounah keil vamese veni.

⁵³Ka meatin keil ten meteimal koanek e rovattei keke Iesu vamai ven keil veni akilea keke Iesu mul musil sise onen vaha en out Serusalem.

⁵⁴Ka navong Tiemes keilu Sion lulong usili, tinealu kat keil ka luvis Iesu luvit, “?Asuv, mukave? ?Em vat komal melvameng kat ahang vaka en out nesa vamita van lin meatin keil ekek?”

⁵⁵Ka Iesu viles ka vul kat keilu.

⁵⁶Evus, Iesu mual va en meteimal sav ral min meatin keil onen.

⁵⁷Ka navong amul uva, meatin tai mai ven Iesu ka viteni mini vit, “Out kave kiha ien, inau mun nusil katuk.”

⁵⁸Ka Iesu vit kesi mini vit, “Asu keil, vae ome mul, ka aman keil, anu ome mul. Ka Natin Meatin, teim kati onen tamatilien tovuol.”

⁵⁹Iesu viteni min meatin sav tai vit, “Kusil kat nau.” Ka meatin enek viteni min Iesu vit, “Asuv, koanek tahos. Ka helamu, kimaen nau niha ris teim ka nilei kat tata onak hetokol avong koa hemat ka nitahini.”

⁶⁰Ka Iesu vit kesi mini vit, “Kilokovein koakeil umat en demkatien one keke itahin koakeil one umat. Ka keik, kimai kihitehiten more longlongien usil hiasuvien onen Ahi min meatin keil.”