Lifitikos 25:47-55

⁴⁷Are eman chon ekis ika eman wasöla mi nom reöm a pisekisekila, nge pwiüm we chon Israel a wöüngauala pwe a amömöla püsin inisin ngeni ewe chon ekis ika ngeni eman eterekesin ewe chon ekis,

⁴⁸eman epwe tongeni mönisefäli mürin an amömöla püsin inisin. Iwe, eman me lein pwin kana a tongeni mönisefäli.

⁴⁹Pwal pwin saman ika nöün pwin saman ika eman märärin seni an famili a tongeni mönisefäli. Nge are a pisekiseksefälila, a pwal tongeni püsin mönisefäli inisin.

⁵⁰Iwe, repwe pwüngüpwüngfengen i me ätewe mi möni o alea seni ewe ier a amömöla püsin inisin ngeni tori ewe ierin supili. Iwe, liwinin an epwe ngasala epwe aükük ngeni iteiten ekewe ier. Nge ränin an nonom ren ätewe mi nöüni amanau repwe usun chök ränin eman chon angang mi mö.

⁵¹Are mi chüen wor chomong ier tori ewe ierin supili, ewe mi ngasala epwe mönätiu och kinikin mi watte me lon ewe moni, ewe eman mi nöüni amanau a püngütiu fän itan.

⁵²Nge are ra chokükün ekewe ier tori ewe ierin supili, repwe pwüngüpwüngfengen me ätewe mi möni. Pun ükükün ekewe ier a angang ngeni epwe pwal kisikisila ewe moni epwe mönätiu fän iten an epwe ngasala.

⁵³Iwe, epwe usun chök eman chon angang mi mö lon eu me eu ier. Ätewe mi nöüni amanau esap tongeni nemeni fän pöchökül.

⁵⁴Nge are esap mö lon ekei sokun lapalap, i me nöün kewe repwe ngasala lon ewe ierin supili.

⁵⁵Pun ekewe aramasen Israel ir nöün ewe Samol mi Lapalap chon angang. Ir nöün chon angang a emwenirewu seni ewe fanü Isip: I ewe Samol mi Lapalap ar Kot.