Levitico 6

1

2

3

4

5

6

10

16

23

24

¹Idjab̶a Ãcõrẽba Moisea jarasia:

²–Ab̶aʌba idjia wagamãrẽã ne b̶ed̶ada sewad̶eba adua b̶ʌad̶a aibʌrʌ, wa idjia drʌad̶ada drʌaẽ́ b̶ʌad̶a aibʌrʌ, wa cũrũga b̶ʌd̶eba djãrãneda jãrĩbʌrʌ, Ãcõrẽ quĩrãpita cadjiruada o b̶ʌa.

³Maʌ̃ awara ab̶aʌba ne aduad̶ada unuped̶a sewad̶eba unuẽ́ b̶ʌad̶a aibʌrʌ, wa baridua maʌ̃ quĩrãca b̶eada oped̶a mẽrãibʌrʌ, Ãcõrẽ quĩrãpita cadjiruada o b̶ʌa.

⁴Bariduaba maʌ̃ cadjirua quĩrãca b̶eada oibʌrʌ, Ãcõrẽ quĩrãpita bed̶ead̶e b̶aya. Maʌ̃ bẽrã idjia drʌa erob̶ʌra, wa cũrũga b̶ʌd̶eba jãrĩ erob̶ʌra, wa idjima b̶ed̶a sewad̶eba jẽda diaẽ́ b̶ʌra, wa djãrã ne aduad̶a mẽrã erob̶ʌra, wa baridua djãrãne mẽrã erob̶ʌ sid̶a djibaría jẽda diaida b̶ʌa. Jẽda diaped̶a maʌ̃ aud̶u diaida b̶ʌa. Mãwã diaida b̶ʌa idjia cadjirua od̶a carea oveja beabʌrʌ ewarid̶e.

⁶Maʌ̃ne idji animarãnebema oveja dji umaquĩrãda sacerdotemaa edeida b̶ʌa babue diamãrẽã idjia cadjirua od̶a carea. Maʌ̃ ovejara jũma bia b̶aida b̶ʌa. Dji nẽbʌara daucha b̶aida b̶ʌa idjia diaida b̶ʌ quĩrãca.

⁷Idjia ovejara beaped̶a idji cadjirua carea sacerdoteba Ãcõrẽ quĩrãpita babue diaya. Mãwãbʌrʌ Ãcõrẽba maʌ̃ cadjiruara quĩrãdoaya.