29Angmuse Lahatala ERoh Pelipus aing gahing lamal va kereta angu abung nehe angu aing harak.
30Ana va kereta angu abung sengila ba, ana vengmee se nehe angu tidat boma Yesaya esurat ba basa sehi. Angmuse Pelipus ana taaning hula, “Nimang! Naba ba nimang basa angu aana manggarati, ee niang?”
31Angmuse nehe angu ebalet hula, “Niang. Evengbanang tarang angu nehe iiba bae metma nat mateng niang se, tatalange na emanggarati angu ateing.” Angmuse ana Pelipus abanang ot mida abung mihi.
32Surat ba ana basa angu eamal alang: “Ini Aing masiring lamal, emenghula nehe jumba masiring ila, senge hula sabele angu edadenang. Andi bot emenghula jumba val ba nehe Eaamudi gunti angu edadenang, aarunge Ana bae kalili di niang. Ana bae Ai buka di niang, bot bae hur kokal nu metma nehe ebale di niang.
33Angmuse ini Ehura-Emananti; Ini Eparkara angu vengputus bae molo niang. Ana bae ahalang iiba ening di niang, aarunge ini Aing ening Ana aamina. Angu ebele Etabaning iiba bae ue niang. Base, nehe iiba bae etabaning angu vengsarenta di niang.”
34Basat aulang sengmuse, nehe eele angu ana Pelipus adang taaning, hula, “Tatalang? Tidat boma Yesaya hurak anga ana metma ava adana ee, ana hurak metma nehe aabeung adana?”
35Angmuse Pelipus ana Mutu Yesus Ehur Aaung-Hama angu metma nehe eele angu at mateng. Ana Mutu Yesus evia aaung-hama angu metma nehe angu etubing Yesaya esurat vede angu eamulung.
Kisah Para Rasul 8
Kisah Para Rasul 8:29-35