Gamet 8:29-35

²⁹kinagi nen Banal a Ispiritu kánni Felipe, “Unudán mu i kalesa uday sakay máksabay ka.”

³⁰Kaya inunud ni Felipe en kalesa a sássakayan nen lállaki sakay nasanig na a magbasa siya ten libru ni propeta Isaias. Tinanung siya ni Felipe, “Maintendiyan mu beman i basaán muwen?”

³¹Kinagi nen pinunu, “Konya ku a maintendiyan awan bi ti mángpaliwanag dikoku?” Tulos na a inakit ti Felipe a sumakay ten kalesa na sakay nággetnud siya ten wáwwaresan na.

³²Nadid, kona háddi en sumássulat ten binasa nen lállaki, “Kumán siya a en tupa a netakda a bunuwán; kona siya ten kordero a awan tumanggi maski ni rapasán mu en dutdut na. Sakay awan siya magupos maski ni sabadit.

³³Immemenos di siya sakay awan di inátdenan ti katarungan. Awan ti makapángkagi tungkul ten sumunud hidi a lahi na gapu binunu di siya.”

³⁴Kinagi nen pinunu kánni Felipe, “Kagiyán pay dikoku ni deya a tolay i kinagiyiday nen propeta. En sadili na beman oni agum?”

³⁵Impaliwanag ni Felipe en kahulugan nen nabasa nen pinunu sakay tulos na a impangaral en Maganda a Bareta tungkul kánni Jesus.