Aposel 8:29-35

²⁹Awa Uur Filip irokenen, “Karis anĩ garan ule fen, non ufar.”

³⁰Age ye di, Filip karis anĩ garan gududu ye isel, tamo anĩ profet Asaia nẽ buk iwes mog, karĩ ye fen, to fiyen, “Õ uwesef anĩ nẽ gariya keleĩ de?”

³¹Ĩ iron, “Tamo takam to faded fiyauf are, naig fe di, aya keleĩ youf?” Anĩ nigin, ĩ Filip isel, urom karis bun dibodõf nigin irokenen.

³²Faat korõ feleya tamo are, Negur nẽ Itotoya bun yenek enei iwesen: “Ĩ sipsip dukesiyouf nigin dirou dilen gen dirou dilen, ĩ, sipsip momou siwi gudũ fiya tamo wagen dẽ yeledig gen, od taka to wogõ yen.

³³Ĩ lai difiye ken, ĩ to tutuk es difiyen. Taka nem yogon ibor nẽ tubu tar nigin to wogõ youf, ere nigin, yogon mata tenebur ein dalelen.”

³⁴Faat korõ feleya tamo Filip to fiyen, “Profet ai nigin enei wogõ yef anĩ urokana, ĩ yogo nigin de, tamo taka nigin?”

³⁵Age ye di, Filip Negur nẽ Itotoya enei bun gariya ino fen, Jesus nigin biya od wogõ fiyen.