Ikanya 8:29-35

²⁹Ayẹmhẹ-nọ-pfuasẹ ọ gueyẹ iFilipu, ọọ li. “Je ọkọ oghọ ni u timama li migha.”

³⁰Abi iFilipu ọ rọ ramhi aghọ, ọ suọ khi ọni ọmọse ọọ zẹ ebe oyi Azaya ọmekẹguele. IFilipu ọ mhila ọni ọmọse. “Ebe ni u wa zẹ eghọ o fẹ lo ẹ esọ?”

³¹Ọọ iFilipu, “Iiye oo. Ọa ya lighọ lo mhẹ esọ ini ọgbọ ọa li gueyẹ mhẹ abi o ngme.” Ọ iFilipu ọ nga oni ọkọ le ni ọ nu luẹ shitọ.

³²Ashini ọọ zẹ oni elemhi Ebe-no-pfuasẹ o khi, asha ni ọọ: “Eri a mu ọli abi omi osumha ni a ya fa uruli. Ẹzẹzẹ abi omi osumha ni a ya va kemhi, ni ọa khueghie unu-a.

³³E ri omama mu ọli, e gbe ọli azẹba, e pfa ẹzọ mu ọli a gbe ọli-a. Ọghuo ọ ya mie shi ọ khi ọ ya dobẹ mhọli akhẹmhẹ-ukhokho, irari khi eri e mie ọli agbọ?”

³⁴Ọni ọmọse ọwali ọ́ọ́ iFilipu, “Kpẹkpẹ gueyẹ mhẹ ọni ọmekẹguele ọnana ọọ ngme, ingme oyi egbọli ọọ ngme abi ingme oyi ọgbọẹse?”

³⁵IFilipu ọ gueyẹ ọli emini oni Ebe-no-pfuasẹ ni ọọ zẹ eghọ o ngme. Ọ gue ungmemhi oyi okhale oyi iJesu ye ọli.